UGC-NET : परीक्षेच्या एका दिवसआधी UGC-NET पेपर लीक झाला; सीबीआयचा खुलासा

UGC-NET Paper Leak: UGC-NET परीक्षेची नवीन तारीख लवकरच जाहीर केली जाणार असल्याची माहिती शिक्षण मंत्रालयाने दिलीय. पेपर लीक प्रकरणात सीबीआयने मोठा खुलासा केलाय.
UGC-NET : परीक्षेच्या एका दिवसआधी UGC-NET पेपर लीक झाला; सीबीआयचा खुलासा
UGC-NET Paper Leak

नॅशनल टेस्टिंग एजन्सीमार्फत घेतली जाणारी यूजीसी-नेट परीक्षेला रद्द करण्यात आलंय. या परीक्षेवरुन देशभरात वाद निर्माण झालाय. परीक्षेतील अनियमिता झाल्यानंतर पेपर रद्द करण्यात आल्याची माहिती शिक्षण मंत्रालयाने दिली. दरम्यान या पेपर लीक प्रकरणाचा तपास सीबीआयला करत असून त्यांनी यासंदर्भात मोठा खुलासा केलाय.

यूजीसी-नेटचा पेपर परीक्षेच्या एका दिवसाआधीच लीक झाल्याचे सीबीआयने तपासानंतर सांगितलं. परीक्षेपूर्वी पश्नपत्रिका डार्कनेटवर अपलोड करण्यात आली होती, असं सीबीआयने सांगितलं. यूजीसी नेट परीक्षेचा पेपर कोठून लीक झाला याचा शोध सीबीआयकडून घेतला जात आहे. सीबीआयच्या प्राथमिक तपासानुसार सोमवारी (17 जून) प्रश्नपत्रिका लीक झाली होती, त्यानंतर ती एनक्रिप्टेड सोशल मीडिया प्लॅटफॉर्मवर पोस्ट करण्यात आली होती.

पकडले जाऊ नये म्हणून आरोपींनी फुटलेली प्रश्नपत्रिका डार्कनेटवर टाकली होती. दरम्यान सीबीआय या प्रकरणाशी संबंधित तपशील गोळा करण्यासाठी एनटीए आणि इतर एजन्सींच्या संपर्कात असल्याचं सांगितलं जात आहे. शिक्षण विभागाने बुधवारी NTA द्वारे घेतलेली UGC-NET परीक्षा रद्द करण्याचे आदेश दिले. या प्रकरणाचा तपास तातडीने सीबीआयकडे सोपवण्यात आला.

UGC-NET परीक्षा पुन्हा घेतली जाईल. त्यासाठी तारखा आणि इतर महत्त्वाच्या गोष्टी स्वतंत्रपणे जाहीर केल्या जातील, अशी माहिती शिक्षण मंत्रालयाने गुरुवारी (20 जून) दिली. UGC-NET परीक्षेद्वारे, भारतीयांची पात्रता कनिष्ठ संशोधन फेलोशिप, सहाय्यक प्राध्यापक म्हणून नियुक्ती आणि देशातील विद्यापीठे आणि महाविद्यालयांमध्ये पीएचडी प्रवेशासाठी निश्चित केली जाते. दरवर्षी लाखो विद्यार्थी ही परीक्षा देत असतात.

UGC-NET : परीक्षेच्या एका दिवसआधी UGC-NET पेपर लीक झाला; सीबीआयचा खुलासा
NEET UG Exam: नीट परीक्षा घोटाळा! काउंसलिंगवर बंदी घालण्यास सुप्रीम कोर्टाचा नकार; NTAला पुन्हा नोटीस

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com