Thackeray Group on Nirmala Sitharaman: अर्थमंत्री टोमॅटो खातात का? महागाईचा भडका उडाला, ठाकरेंची शिवसेनाही भडकली; थेट सीतारामन यांच्यावर हल्लाबोल

वाढत्या महागाईवरून ठाकरे गटाच्या खासदार प्रियंका चतुर्वेदी यांनी ट्विट करत टीकास्त्र सोडलं आहे.
Political News
Political NewsSaam tv

Mumbai News: देशात दिवसेंदिवस महागाई वाढत चालली आहे. वाढत्या महागाईमुळे सर्व सामान्य लोकांना हाल सोसावे लागत आहे. बाजारात टोमॅटोचे भाव देखील १०० रुपये किलोच्या पुढे गेले आहेत. या वाढत्या महागाईवरून ठाकरे गटाच्या खासदार प्रियंका चतुर्वेदी यांनी ट्विट करत अर्थमंत्री निर्मला सीतारामन यांच्यावर टीकास्त्र सोडलं आहे. (Latest Marathi News)

ठाकरे गटाच्या खासदार प्रियंका चतुर्वेदी यांनी अर्थमंत्री निर्मला सितारामन यांच्या २०१९ सालच्या लोकसभेतील एका विधानावरून निशाणा साधला आहे. प्रियंका चतुर्वेदी ट्विट करत म्हणाल्या की, 'अर्थ मंत्री सीतारामन टोमॅटो खातात का? टोमॅटोच्या वाढत्या दरावर त्या उत्तर देऊ शकतात का?',असे सवाल त्यांनी उपस्थित केले.

Political News
Political News : भारत में फॉग चल रहा हैं... PM मोदींच्या 'त्या' प्रश्नावरून काँग्रेस नेत्याचा चिमटा

२०१९ साली सीतारामन या कांद्याच्या वाढत्या दराबाबत म्हटल्या होत्या की, 'मी लसूण, कांदा खात नाही. मी अशा कुटुंबातून येते, जिथे कांद्यांची पर्वा नसते'. यावरून विरोधकांनी रान उठवलं होतं. त्यानंतर आता पुन्हा एकदा महागाईचा मुद्दा ऐरणीवर आला आहे.

टोमॅटोचे भाव वाढले आहेत. घाऊक मंडईत टोमॅटोचे भाव ६० रुपये ते ८० रुपयांपर्यंत वाढले आहे. बाजारात टोमॅटोचा पुरवठा होत नसल्याने टॉमॅटोचे भाव १०० रुपये किलोपर्यंत पोहोचले आहेत. या वाढत्या महागाईमुळे सामान्य नागरिकांना झळा सहन कराव्या लागत आहेत.

दरम्यान, गेल्या वर्षीच्या तुलनेत यंदा टोमॅटोची कमी पेरणी झाली. तर गेल्या वर्षी अनेक शेतकरी सोयाबीनच्या किमतीत वाढ झाल्यामुळे सोयाबीनच्या शेतीकडे वळले होते, अशी माहिती केडिया अॅडव्हायझरीचे प्रमुख अजय केडिया यांनी दिली.

'त्याचबरोबर गेल्या वर्षी पाऊस कमी पडल्याने त्याचा फटका पिकांना बसला. तसेच अतिवृष्टी आणि अति उष्णतेचा फटका टोमॅटोच्या पुरवठ्या झाला. त्यामुळे बाजारात टोमॅटोचा पुरवठा मर्यादित प्रमाणा झाला, असे ते पुढे म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com