Uber: मला तू खूप आवडतेस, मुलीला कॉलेजला सोडल्यानंतर उबर चालकाचे मेसेज, चॅट व्हायरल

आजकाल अनेकजण कॅबचा वापर करतात. ऑफिसला जाण्यासाठी- येण्यासाठी ओला, उबर आणि रॅपिडोचा वापर करतात. दरम्यान, आता उबरने प्रवास करणाऱ्या प्रवाशाला एक वेगळाच अनुभव आला आहे. एका कॅब ड्रायव्हरने महिला प्रवाशाला थेट पर्सनल नंबरवर मेसेज केला आहे. याचा स्क्रिनशॉट सध्या सोशल मीडियावर व्हायरल होत आहे.

एका कॅब ड्रायव्हरने तरुणीला आधी कॉलेजला सोडलं. त्यानंतर तिच्या परवानगीशिवाय पर्सनल नंबरवर मेसेज केला आहे. तो त्या मुलीसोबत चॅट करु लागला. कॅब ड्रायव्हर म्हणाला की, मला तू खूप आवडली म्हणून मेसेज केला. या मेसेजचा स्क्रिनशॉट सध्या व्हायरल होत आहे.

चॅटमध्ये काय म्हटलंय? (Uber Cab Driver Chat Viral)

उबर चालकाने एका मुलीला कॉलेजला ड्रॉप केलं. त्यानंतर त्याने तिच्या पर्सनल नंबरवर मेसेज केला आणि म्हणाला की,हाय, मी आज सकाळी तुम्हाला कॉलेजला सोडले. मला तुम्ही खूप आवडलात. मी कॅब ड्रायव्हर नाही तर टूर अँड ट्रॅव्हल्स कंपनीचा मालक आहे. मुलीला इम्प्रेस करण्याच्या नादात त्याने मुलीला तो या कंपनीचा मालक असल्याचे सांगितले. दरम्यान, कॅब चालकाने हा मेसेज केल्यानंतर मुलीने कॅब ड्रायव्हरला थेट ब्लॉकच केलं.

सध्या कॅब ड्रायव्हरचा या मेसेजचा स्क्रिनशॉट सोशल मीडियावर प्रचंड व्हायरल होत आहे. या मेसेजवर लोकांनी सोशल मीडियावर संतप्त प्रतिक्रिया दिल्या आहे. कोणी कॅब ड्रायव्हर असा कसा मेसेज करु शकतो, असं म्हटलं आहे.