टी20 वर्ल्डकपच्या फायनलआधी मोठी कारवाई; क्राइम ब्रँचकडून दोघांना अटक, कारण आलं समोर

भारत आणि न्यूझीलंडच्या टी-२० वर्ल्डकप २०२६ फायनल आज रविवारी होणार आहे. या सामन्यावर जगभरातील क्रिकेट चाहत्यांच्या नजरा लागल्या आहेत. टी२० वर्ल्डकपचा अंतिम सामना जिंकण्यासाठी टीम इंडियाने कंबर कसल्याचे दिसत आहे. अंतिम सामना अहमदच्या नरेंद्र मोदी स्टेडियमवर खेळवला जाणार आहे. या सामन्याआधी क्राइम ब्रँचने मोठी कारवाई केली आहे. क्राइम ब्रँचने दोघांना अटक केली आहे.

अहमदाबादच्या सिटी क्राइम ब्रँचकडून एक गुप्त माहिती मिळाली. या माहितीच्या आधारे उस्मानपुरा गुजरात विद्यापीठ एसटी बस स्टँडजवळ सापळा रचला. पोलिसांनी दोघांची झडती केली. या झडतीदरम्यान सामन्याचे २ तिकीट आढळून आले. आरोपींनी ऑनलाइन तिकिट खरेदी केली होती. त्यानंतर मूळ किंमतीच्या तीन पट किंमतीने विकत होते. आरोपी प्रति तिकीट १०,००० रुपये घेत होते. क्राइम ब्रँचकडून त्यांच्याकडून तिकीट जप्त केलेत. पोलिसांनी दोघांवर कारवाई सुरू केली आहे.

अहमदाबाद पोलीस आयुक्त जीएस मलिक यांनी काळाबाजार करणाऱ्यांना कारवाईचा इशारा दिला होता. तिकीटाचा काळाबाजार आढळल्यास कारवाई करणार असल्याचे म्हटलं होते. या प्रकरणातही पोलीस कारवाई करणार आहे. काळाबाजारी करणाऱ्या कोणत्याही व्यक्तीला सोडणार नसल्याचाही इशारा दिला होता.

स्टेडियमवर १ लाख प्रेक्षक भारत विरुद्ध न्यूझीलंडचा सामना पाहायला येण्याची शक्यता आहे. अशा सामन्यामुळे तिकीटांचा काळाबाजार करणाऱ्या दलालांना कमाईची संधी मिळत असते. तत्पूर्वी,टीम इंडियाला दुसरा टी२० वर्ल्डकप ट्रॉफी जिंकण्याची संधी आहे. याआधी टीम इंडियाने रोहित शर्माच्या नेतृत्वात टी२० विश्वचषक २०२४ साली जिंकला होता.