Modi government 3.0: कोण आहेत सर्वाधिक मते मिळवणारे 10 नेते, मोदी 3.0 कॅबिनेटमध्ये कोणाला मिळाली संधी?

Latest Political News in Marathi: कोण आहेत लोकसभेच्या निवडणुकीत सर्वाधिक मेते मिळवणारे 10 नेते, हे आपण या बातमीतून जाणून घेणार आहोत...
सर्वाधिक मते मिळवणारे 10 नेते, मोदी 3.0 कॅबिनेटमध्ये कोणाला मिळाली संधी?
Shivraj Singh ChouhanSaam Tv

अमित शहा, शिवराज सिंह चौहान, ज्योतिरादित्य शिंदे आणि सीआर पाटील हे नवनियुक्त कॅबिनेट मंत्र्यांमध्ये आहेत, जे लोकसभेच्या निवडणुकीत मोठ्या फरकाने विजयी झालेल्या सर्वाधिक मेते मिळवणाऱ्या 10 नेत्यांच्या यादीत आहेत.

चौहान मध्य प्रदेशचे माजी मुख्यमंत्री आणि विदिशामधून सहा वेळा खासदार राहिलेले आहेत. त्यांनी 8.21 लाख मतांच्या फरकाने निवडणूक जिंकली. मोदी सरकारच्या दुसऱ्या टर्ममध्ये गृहमंत्री असलेले शहा गांधीनगरमधून 7.44 लाखांपेक्षा जास्त मतांनी विजयी झाले. मागील मोदी सरकारमध्ये विमान वाहतूक मंत्री असलेले शिंदे मध्य प्रदेशातील गुना येथून 5.40 लाखांहून अधिक मतांनी विजयी झाले आहेत.

सर्वाधिक मते मिळवणारे 10 नेते, मोदी 3.0 कॅबिनेटमध्ये कोणाला मिळाली संधी?
BJP New President: जेपी नड्डा यांचा मोदी मंत्रिमंडळात समावेश, कोण होणार नवीन भाजप अध्यक्ष? विनोद तावडे यांच्या नावाची चर्चा

गुजरातमधील नवसारीमधून भारतीय जनता पक्षाचे सीआर पाटील 7.73 लाख मतांनी विजयी झाले. सर्वात जास्त फरकाने विजयाचा यापूर्वीचा विक्रम भाजपच्या प्रीतम मुंडे यांच्या नावावर होता. ज्यांनी ऑक्टोबर 2014 मध्ये बीडमधून पोटनिवडणूक 6.96 लाखांपेक्षा जास्त मतांनी जिंकली होती. नवसारीचे तीन वेळा खासदार राहिलेल्या पाटील यांनी 2019 मध्ये 6.89 लाख मतांच्या फरकाने दुसऱ्या क्रमांकाच्या विजयाचा विक्रम केला होता. 2024 च्या निवडणुकीत त्यांनी स्वतःचाच विक्रम मोडला आहे.

दरम्यान, नरेंद्र मोदी यांनी रविवारी राष्ट्रपती भवनात पंतप्रधानपदाची शपथ घेतली, जवाहरलाल नेहरूंनंतर सलग तिसऱ्यांदा पंतप्रधान होणारे ते दुसरे पंतप्रधान ठरले. मोदींसोबतच भाजपचे ज्येष्ठ नेते राजनाथ सिंह, अमित शहा, नितीन गडकरी, निर्मला सीतारामन आणि एस जयशंकर यांनी कॅबिनेट मंत्री म्हणून शपथ घेतली. आपल्या प्रतिस्पर्ध्यांचा पराभव करणाऱ्या पहिल्या 10 नेत्यांच्या यादीत भाजपचे इंदूरचे खासदार शंकर लालवानी यांचाही समावेश आहे. त्यांनी 11.72 लाख मतांनी विजय मिळवला आहे.

सर्वाधिक मते मिळवणारे 10 नेते, मोदी 3.0 कॅबिनेटमध्ये कोणाला मिळाली संधी?
S. Jaishankar in Cabinet: एस जयशंकर दुसऱ्यांदा मोदी मंत्रिमंडळात सामील! नोकरशहा ते कॅबिनेट मंत्री; जाणून घ्या त्यांचा राजकीय प्रवास

10.12 लाख मतांच्या फरकाने दुसरा सर्वात मोठा विजय

आसाममधील धुबरी येथून काँग्रेसचे रकीबुल हुसैन यांनी 10.12 लाख मतांच्या फरकाने दुसऱ्या क्रमांकावर विजय मिळवला. 5 लाखांहून अधिक मतांच्या फरकाने विजयी झालेल्या इतर उमेदवारांमध्ये भाजपचे उमेदवार राजपाल सिंग जाधव (5.09 लाख) आणि गुजरातमधील पंचमहाल, वडोदरा येथून हेमांग जोशी (5.82 लाख), भोपाळचे उमेदवार आलोक शर्मा (5.01 लाख) आणि सुधीर गुप्ता (5 लाखांपेक्षा जास्त) यांचा समावेश आहे.

उत्तर प्रदेशातील गौतम बुद्ध नगरमधून भाजपचे महेश शर्मा 5.59 लाख मतांनी विजयी झाले. रायपूर, छत्तीसगडमधून भाजपचे उमेदवार ब्रिजमोहन अग्रवाल 5.75 लाख मतांच्या फरकाने विजयी झाले. त्रिपुराचे माजी मुख्यमंत्री आणि भाजपचे बिप्लब कुमार देब यांनी त्रिपुरा पश्चिममधून 6 लाखांहून अधिक मतांनी विजय मिळवला. त्रिपुरा पूर्व मतदारसंघातून भाजपच्या उमेदवार कृती देव देबबरमन यांनी 4.86 लाख मतांनी विजय मिळवला.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.