Jammu and Kashmir: श्रीनगरमध्ये सुरक्षा दलाच्या जवानावर दहशतवाद्यांचा हल्ला; पोलीस कर्मचारी जखमी

Terrorist Attack On Security Forces Personnel:

जम्मू-काश्मीरच्या श्रीनगरमध्ये सुरक्षा दलाच्या जवानावर दहशतवाद्यांनी गोळीबार केल्याची घटना घडली. यात सुरक्षा दलात एक जवान जखमी झाला असून त्याला रुग्णालयात दाखल करण्यात आले आहे. गोळीबारीची घटना श्रीनगरमधील बेमिना भागात घडलीय. या हल्ल्यानंतर सुरक्षा दलांनी संपूर्ण परिसराला वेढा घातला आहे.(Latest News)

गोळीबार करणाऱ्या दहशतवाद्यांचा सुरक्षा जवान शोध घेत आहेत. दरम्यान यापूर्वी २९ ऑक्टोबर रोजीही एका पोलिसावर गोळीबार करण्यात आला होता, यात पोलीस कर्मचाऱ्याचा मृत्यू झालाय. पोलीस अधिकाऱ्यांनी दिलेल्या माहितीनुसार, दहशतवादी हल्ल्यात पोलीस कर्मचारी मोहम्मद हाफिज चाड जखमी झाले असून त्याच्यावर उपचार सुरू आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काश्‍मीर झोन पोलिसांनी या हल्ल्याबाबत पोस्ट टाकलीय. "दहशतवाद्यांनी बेमिना येथील हमदानिया कॉलनीत राहत असलेल्या पोलीस कर्मचारी मोहम्मद हाफिज चाड, यांचा मुलगा जीएच हसन चाड यांच मुलावर गोळीबार करत त्यांना जखमी केले. दरम्यान सुरक्षा दलाने त्यांना रुग्णालयात दाखल केले आहे. गोळीबार झालेल्या परिसरात सुरक्षा जवानांनी घेराव घातलाय. वृत्तसंस्था पीटीआयच्या वृत्तानुसार, मोहम्मद हाफिज चाड हे उत्तर काश्मीरमधील कुपवाडा जिल्ह्यातील कर्नाह येथील रहिवासी आहेत. ते सध्या बेमिना येथे राहतो.