.jpg?w=480&auto=format%2Ccompress&fit=max)
प्रमोद जगताप, साम टीव्ही नवी दिल्ली
देशभरातील विद्यार्थ्यांसाठी मोठी बातमी आहे. नीट परीक्षा पुन्हा घेतली जाणार नाही. कारण नीट पेपर लीक प्रकरणी सुप्रीम कोर्टाने आजच्या सुनावणीत महत्वपूर्ण निकाल दिलाय. नीट परीक्षा पुन्हा घेण्याची मागणी कोर्टाने फेटाळली आहे. यापूर्वी देखील सर्वोच्च न्यायालयाने फेरपरीक्षेची मागणी फेटाळून लावली होती.
नीट परीक्षेसंदर्भात मोठी अपडेट
मोठ्या प्रमाणावर पेपर फुटला नाही. नीट परीक्षेचा पेपर पटना, हजारीबाग या ठिकाणी फुटला होता. परीक्षा घेताना पद्धतशीर चुका झाल्या, असं म्हणता येणार नाही. आमचा निर्णय कोणाला पटला (Neet Exam) नसेल, तर तो हायकोर्टात जाऊ शकतो. एनटीएने भविष्यासाठी काळजी घ्यावी, अशा प्रकारचा निष्काळजीपणा टाळावा असं निरीक्षण सुप्रीम कोर्टाने नोंदवलं आहे.
सुप्रीम कोर्टाचं निरीक्षण काय?
सर्वोच्च न्यायालयाने २३ जुलै रोजी सुनावणी दरम्यान नीट परीक्षा पुन्हा घेण्यास नकार दिला होता. सुप्रीम कोर्ट आजही ही याचिका फेटाळली आहे. सुप्रीम कोर्टाच्या या निर्णयाकडे हजारो विद्यार्थी आणि पालकांचे लक्ष लागलेले (Neet Re-examination) होते. केंद्रीय अन्वेषण ब्यूरोने NEET-UG प्रश्नपत्रिका कथित लीक केल्याप्रकरणी पहिले आरोपपत्र दाखल केले होते. यामध्ये १३ जणांना आरोपी करण्यात आलं होतं.
नीट परीक्षा पुन्हा होणार?
आज सुप्रीम कोर्टाने नीट फेरपरीक्षेच्या वादावर आपला निर्णय (Supreme Court) दिलाय. केवळ पाटणा आणि हजारीबाग केंद्रांवर परीक्षेत अनियमितता झाल्याचं न्यायालयाने म्हटलंय. संपूर्ण परीक्षेच्या अखंडतेवर कोणताही परिणाम झाला नाही. न्यायालयाने परीक्षा केंद्रांची प्रणाली सुधारण्यासाठी एनटीएची चौकशी करण्यासाठी स्थापन केलेल्या उच्चस्तरीय समितीला सांगितलं (NEET Paper Leak Case) आहे. एनटीएच्या चौकशीसाठी केंद्र सरकारने २२ जून रोजी तज्ज्ञ समिती स्थापन करण्याची घोषणा केली होती. न्यायालयाने तज्ज्ञ समितीकडून ८ मुद्यांवर उत्तरे मागवली आहेत. त्यांना ३० सप्टेंबरपर्यंत अहवाल सादर करण्यास सांगितलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.