Ayodhya Ram Mandir: काश्मीरच्या मुस्लीम बांधवांनी रामलल्लासाठी पाठवले खास केसर

Ayodhya Ram Mandir:

जवळपास ५०० वर्षांच्या प्रतीक्षेनंतर अयोध्येत रामाचे भव्य मंदिर तयार होत आहे. या मंदिरात २२ जानेवारी रोजी रामलल्ला यांच्या मूर्तीची प्राण प्रतिष्ठा केली जाणार आहे. या सोहळ्यासाठी पंतप्रधान मोदींसह सुमारे ८ हजार लोक सहभागी होणार आहेत. प्रभू रामाच्या मूर्तीच्या प्राणप्रतिष्ठेचा सोहळ्यात देशभरातील लोक सहभागी होत आहेत. मुस्लीम बांधवसुद्धा हा सोहळा साजरा करता दिसत आहेत. याची प्रचिती आपल्याला काश्मीरमधील मुस्लीम बांधवांनी पाठवलेल्या खास गिफ्टमुळे होते. (Latest News)

रामलल्लाच्या सेवेसाठी काश्मीरमध्ये राहणाऱ्या काही लोकांनी काश्मीरचे खास सेंद्रिय केशर भेट दिले आहे. त्याचबरोबर अफगाणिस्तानच्या नदीचे पाणीही अभिषेकासाठी पाठवण्यात आले आहे. अयोध्येत विश्व हिंदू परिषदेचे अध्यक्ष आलोक कुमार यांनी काश्मीर, तामिळनाडू आणि अफगाणिस्तानातून या भेटवस्तू यजमान डॉ.अनिल मिश्रा यांच्याकडे दिल्या.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

“काश्मीरमधील काही मुस्लिम बांधव आले होते. याठिकाणी रामलल्लाचे मंदिर बनत असल्याचा आनंद त्यांनी व्यक्त केला. ते म्हणाले की, आमचा धर्म वेगळा आहे, पण आमचे पूर्वज एकच आहेत. राम हा आपला आदरणीय पूर्वज आहे. यानंतर त्यांनी मला रामलल्लाच्या सेवेसाठी काश्मीरमधून २ किलो केशर भेट म्हणून दिले, असं आलोक कुमार म्हणाले. या संपूर्ण कार्यक्रमाचे प्रमुख सूत्रधार डॉ.अरविंद मिश्रा यांच्याकडे केसर देण्यात आले आहेत.

तसेच तामिळनाडूतील रेशीम उत्पादकांनी श्री राम मंदिराचे चित्रण करणारी रेशीम पत्रे पाठवली आहेत. त्याचबरोबर श्रीरामाच्या अभिषेकासाठी अफगाणिस्तानातून कुभा (काबुल) नदीचे पाणी पाठवण्यात आले आहे. पुढील आठवड्यात राम मंदिराच्या अभिषेक सोहळ्यासाठी क्रिकेट महान सचिन तेंडुलकर, बुद्धिबळ ग्रँडमास्टर विश्वनाथन आनंद, 'स्प्रिंट क्वीन' पीटी उषा आणि स्टार फुटबॉलपटू बायचुंग भुतिया यांच्यासह स्टार खेळाडूंना आमंत्रित करण्यात आले आहे. निमंत्रण यादीत राज्यातील ५०० हून अधिक विशेष पाहुण्यांचा समावेश आहे ज्यात राजकारणी, अभिनेते, क्रीडा तारे आणि उद्योगपतींचा समावेश आहे.