BJP Leader Murder: भाजप नेत्याची गोळी घालून केली हत्या, होळीच्या दिवशीच घेतला जीव, नेमका वाद काय?

Sonipat BJP Leader Murder : होळीच्या दिवशीच भाजप नेत्याची गोळ्या घालून हत्या करण्यात आल्याची धक्कादायक घटना समोर आली आहे. हरियाणातील सोनीपतमध्ये शुक्रवारी रात्री जमिनीच्या वादातून शेजाऱ्याने भाजप नेत्याची गोळ्या घालून हत्या केली. सोनीपत पोलिसांनी शनिवारी याबाबतची माहिती दिली. पोलिसांनी याप्रकरणी गुन्हा दाखल केला असून आरोपीचा शोध घेतला जात आहे. मृत व्यक्तीचे नाव सुरेंद्र जवाहर असल्याचे समोर आलेय. सुरेंद्र हे सोनीपत येथील मुंडलाना मंडळाचे भाजप अध्यक्ष होते.

नेमकं प्रकरण काय आहे ?

सोनीपत पोलिसांनी सांगितले की, १४ मार्च रोजी सोनीपतमध्ये जमिनीच्या वादातून भाजप नेते सुरेंद्र जवाहरा यांची शेजाऱ्याने गोळ्या घालून हत्या केली. गोहाना पोलिस स्टेशनचे सहाय्यक पोलिस आयुक्त (गुन्हे) ऋषीकांत यांनी दिलेल्या माहितीनुसार, आरोपीचे नाव मोनू असे आहे. ही घटना सोनीपत जिल्ह्यातील जवाहरा गावात घडली आहे. पोलिसांनी केलेल्या प्राथमिक तपासानुसार पीडितेने आरोपीच्या कुटुंबातील नातेवाईकांकडून जमीन खरेदी केली होती. त्यानंतर त्यांच्यात वाद सुरू झाला होता. जमिनीच्या वादातून शेजाऱ्याने सुरेंद्र यांची गोळ्य झाडून हत्या केली.

गोळ्या झाडल्यानंतर आरोपी फरार

सुरेंद्र यांच्यावर गोळ्या झाडल्यानंतर आरोपी मोनू फरार झाला आहे. पोलीस आरोपींचा शोध घेत आहेत. सुरेंद्र यांच्यावर गोळ्या झाडल्याची माहिती मिळताच पोलिसांनी घटनास्थळी धाव घेतली. पोलिसांकडून या प्रकरणाचा तपास केला जात आहे. सुरेंद्र यांची हत्या झाल्यानंतर परिसरातील वातावरण चिघळले असून नागरिक प्रचंड तणावात आहेत. पोलिसांकडून या प्रकरणाचा तपास करण्यात येत आहे.

आरोपीला पकडण्यासाठी पथके -

सुरेंद्र यांची हत्या झाल्याची माहिती पोलिसांना शुक्रवारी रात्री उशीरा मिळाली. पोलिसांनी तात्काळ घटनास्थळी धाव घेतली, पण तोपर्यंत आरोपी मोनू फरार झाला होता. पोलिसांनी तात्काळ घटनास्थळावर धाव घेत पंचनामा केला. पोलिसांकडून गुन्हा दाखल करण्यात आला असून आरोपीचा शोध सुरू केला. आरोपीला पकडण्यासाठी पोलिसांची तीन पथके रवाना करण्यात आली आहे. दरम्यान, आरोपीला लवकरात लवकर बेड्या ठोकू असे पोलिसांकडून सांगण्यात आले आहे.