राज्यसभा निवडणुकीसाठी भाजपकडून ११ उमेदवारांची घोषणा; कुणाला मिळालं तिकीट? जाणून घ्या

भारतीय जनता पक्षाने गुरुवारी आगामी राज्यसभा निवडणुकीसाठी ११ उमेदवारांच्या नावांची घोषणा केली आहे. पक्षाने अरुणाचल प्रदेशमधून ताई तागक यांना, तर गुजरातमधून राजुभाई शुक्ला, मुकेशभाई रथवा आणि मानसिंग परमार यांना उमेदवारी दिली आहे. तरुण चुघ आणि रजनीश अग्रवाल मध्य प्रदेशमधून निवडणूक लढवतील.

तर मणिपूरमधून ए.शारदा देवी, राजस्थानमधून अलका गुर्जर आणि सतिश पुनिया यांना उमेदवारी देण्यात आली आहे. त्यांनी राजस्थान विधानसभेत विरोधी पक्षाचे उपनेते म्हणूनही काम पाहिले आहे. सध्या त्यांच्याकडे हरियाणा भाजपचे प्रभारी म्हणून महत्त्वाची जबाबदारी आहे. जाट समाजाचे असल्याने, ते राजस्थान आणि हरियाणा या दोन्ही राज्यांमध्ये सामाजिक आणि राजकीय समीकरणे संतुलित ठेवण्यात पारंगत मानले जातात. बिहार विधानसभा निवडणुकीदरम्यान ते पक्षाच्या कार्यकर्त्यांसोबत प्रचार करताना दिसले होते.

तर पंजाबमधून तरुण चुग यांनाही उमेदवारी देण्यात आली आहे. अमृतसरमधून येणारे तरुण चुग हे कमी वयातच राष्ट्रीय स्वयंसेवक संघाशी संबंधित आहेत. सध्या ते भारतीय जनता पक्षाचे राष्ट्रीय महासचिव आहेत. त्यांना पक्षाचे संकटमोचक म्हटलं जाते. तसेच त्यांची ओळख निवडणुकींचे रणनीतीकार देखील आहे.