'बाबा, तुम्ही प्रत्येक क्षणी माझ्यासोबत आहात, मी तुमचे स्वप्न...', राहुल गांधींनी केला भावनिक व्हिडिओ शेअर

नवी दिल्ली : माजी पंतप्रधान राजीव गांधी यांची आज ७८वी जयंती आहे. यानिमित्ताने काँग्रेस नेते राहुल गांधी (Rahul Gandhi) यांनी एक व्हिडिओ शेअर केला आहे. या व्हिडिओत ते आपल्या वडिलांची आठवण करत भावनिक झाले आहेत. याअगोदर राहुल गांधी आणि प्रियांका गांधी यांनी राजीव गांधी यांच्या समाधीवर जाऊन त्यांना श्रद्धांजली वाहिली आहे.

राजीव गांधी यांच्या जयंतीनिमित्त राहुल गांधी यांनी आपल्या भावना व्यक्त केल्या आहेत. हा व्हिडिओला अनेकांनी भावनिक प्रतिक्रिया दिल्या आहेत. या व्हिडिओमध्ये त्यांनी वडील राजीव गांधी यांच्या लहानपणापासून ते मोठे होईपर्यंतच्या अनेक आठवणी सांगितल्या आहेत. या व्हिडिओसोबत राहुल गांधी (Rahul Gandhi) यांनी कॅप्शन लिहिली आहे. 'बाबा, तुम्ही माझ्यासोबत आहात, प्रत्येक क्षणी माझ्या हृदयात आहात. देशासाठी तुम्ही पाहिलेले स्वप्न पूर्ण करण्याचा मी सदैव प्रयत्न करेन., असं या कॅप्शनमध्ये लिहिले आहे.

देशभरात काँग्रेस पक्षाचे नेते राजीव गांधी यांना श्रद्धांजली वाहत आहेत. काँग्रेस पक्षाच्या ट्विटर हँडलवर राजीव गांधींना स्मरण करून एक ट्विट केले आहे. 'आम्ही भारताचे माजी पंतप्रधान राजीव गांधीजींना त्यांच्या जयंतीनिमित्त अभिवादन करतो. 'तो भारताचा लाल होता, राजीव त्याचं नाव. त्याच्या खंबीर इराद्यानं भारतमातेचं मोल वाढवलं., अशी या पोस्टला कॅप्शन दिली आहे.