Thrilling Accident Video : रस्ता ओलांडताना वाहनाची धडक, २० फूटवर उडून खाली कोसळला; कारच्या मागच्या कॅमेऱ्यात थरारक VIDEO कैद

सिकर : राजस्थानमधील सिकर जिल्ह्यातील नीमकथाना भागातील सदर पोलिस स्टेशन हद्दीतील चौकडी रस्त्यावर ३ दिवसांपूर्वी झालेल्या एका रस्ते अपघाताचा थरारक व्हिडिओ समोर आला आहे. अज्ञात वाहनाने धडक दिल्याने एका पादचाऱ्याचा हृदयद्रावक मृत्यू झाला. या घटनेचा थरारक व्हिडिओ आता समोर आला आहे. व्हिडिओ पाहिल्यानंतर सर्वांनाच धक्का बसला आहे.

व्हिडिओमध्ये स्पष्टपणे दिसत आहे की अज्ञात वाहनाची धडक इतकी जोरदार होती की रस्ता ओलांडणारा व्यक्ती हवेत फेकला गेला आणि सुमारे २० फूट अंतरावर पडला. जवळच्या लोकांनी गंभीर अवस्थेत असलेल्या व्यक्तीला जिल्हा रुग्णालयात नेले जिथे डॉक्टरांनी त्याला मृत घोषित केले. अज्ञात वाहनाच्या पुढे जाणाऱ्या कारच्या मागच्या कॅमेऱ्यात या घटनेचा व्हिडिओ कैद झाला.

मिळालेल्या माहितीनुसार, चाळा येथील रहिवासी सुभाष जोशी हे चौकडी रस्त्यावरील त्यांच्या वीटभट्टीवरून घरी चालत जात होते. रस्ता ओलांडत असताना मागून येणाऱ्या एका अज्ञात वाहनाने त्यांना धडक दिली. धडक इतकी भीषण होती की ती व्यक्ती सुमारे २० फूट अंतरावर पडली. घटनेनंतर चालक वाहन घेऊन पळून गेला. लोकांनी जखमींला खासगी वाहनाने नीमकथाना रुग्णालयात पाठवलं, जिथे डॉक्टरांनी त्यांना मृत घोषित केले. दरम्यान, पोलीस या प्रकरणाचा तपास करत आहेत.