'पंतप्रधान माझा फोन टॅप करतात'; राहुल गांधींचा पंतप्रधान मोदींवर गंभीर आरोप

पंतप्रधान नरेंद्र मोदींवर विरोधी पक्षनेते राहुल गांधींनी गंभीर आरोप केले आहेत. त्यामुळे पुन्हा एकदा भाजप विरूद्ध काँग्रेस संघर्ष पेटण्याची शक्यता आहे. पंतप्रधान नरेंद्र मोदी हे माझा फोन टॅप करत असल्याचा खळबळजनक आरोप राहुल गांधींनी केलाय़. एवढ्यावरच राहुल गांधी थांबले नाहीत. तर मोदींवर देशविरोधी कृत्यांचाही आरोप त्यांनी केलाय. राहुल गांधींनी नेमके काय आरोप केले आहेत ते पाहूयात.

दरम्यान फोन टॅपिंगचा आरोप करूनच राहुल गांधी थांबले नाहीत. त्यांनी पंतप्रधान नरेंद्र मोदींना जाहीर चर्चेचे थेट आव्हान देत "जर माझ्यासोबत समोरासमोर थेट चर्चा झाली, तर नरेंद्र मोदी पंतप्रधानपदावर राहणार नाहीत.", असा इशाराही दिलाय..त्यात नाना पटोलेंनीही फडणवीसांनी आपला फोन टॅप केल्याचा आरोप केलाय. मात्र भाजपनं राहुल गांधींच्या या आरोपावर सडकून टीका केलीय. पुरावे न देता बिनबुडाचे आरोप करू नका, असा हल्लाबोल भाजपनं राहुल गांधींवर केलाय.

विशेष म्हणजे फोन टॅपिंग किंवा हेरगिरीचे आरोप होण्याची ही पहिलीच वेळ नाही. याआधी विरोधकांनी अनेकदा फोन टॅपिंगटचा आरोप केलाय.

मार्च 2021

नाना पटोले, संजय राऊत, जितेंद्र आव्हाड आणि इतर मविआ नेत्यांनी फडणवीस सरकारवर फोन बेकायदेशीरपणे टॅप केले जात असल्याचा आरोप केला होता

जुलै 2021

इस्रायली 'पेगासस' स्पायवेअरच्या माध्यमातून फोन टॅपिंग होत असल्याचा आरोप राहुल गांधींसह काँग्रेस, तृणमूल काँग्रेस आणि इतर विरोधी पक्षांच्या नेत्यांनी केला होता

नोव्हेंबर 2023

तेलंगणातील बीआरएस सरकारवर

तत्कालीन विरोधी पक्षनेते रेवंत रेड्डी यांचा फोन टॅपिंगचा आरोप

अनेक राज्यांमध्ये सत्तेत असलेल्या पक्षांवर विरोध पक्षाच्या नेत्यांनी फोन टॅपिंगचा आरोप अनेकदा केलाय. मात्र लोकसभेच्या विरोधी पक्षांनी थेट पंतप्रधानांवरच फोन टॅपिंगचा आरोप पहिल्यांदाच केलाय. त्यामुळे दिल्लीतलं राजकारण आणखीनच तापण्याची शक्यता आहे. आता राहुल गांधी फोन टॅपिंगच्या आरोपांसंदर्भात पुरावे कधी देणार? राहुल गांधींकडे खरचं राजकीय वर्तुळात खळबळ माजवून देणारी माहिती आहे का? यामुळे मोदी सरकार अडचणीत येणार का? आगामी संसदेचा हिवाळी अधिवेशनात हा मुद्दा गाजणार का? याकडे देशाचं लक्ष लागलंय.