Sex Racket : स्पा सेंटरावर पोलिसांची धाड, ६ परदेशी महिलांना नको त्या अवस्थेत पकडलं; मालक पळून गेला

पंजाबमधून धक्कादायक बातमी समोर आली आहे. जीटी रोडवरील खन्ना सिटी सेंटरमध्ये सुरू असलेल्या स्पा सेंटरांवर पोलिसांनी कारवाई केली. या कारवाईदरम्यान देहव्यापार रॅकेटचा पर्दाफाश करण्यात आता. या कारवाईदरम्यान सहा परदेशी महिलांना आणि एका व्यवस्थापकाला ताब्यात घेतले असून, दोन स्पा सेंटरचे संचालक घटनास्थळावरून फरार झाले आहेत. फरार आरोपींविरुद्ध गुन्हा दाखल करण्यात आला असून त्यांचा शोध सुरू आहे. या घटनेने परिसरात एकच खळबळ उडाली.

पोलिसांनी दिलेल्या माहितीनुसार, खन्ना सिटी सेंटरमधील काही स्पा सेंटरांच्या नावाखाली नको ते धंदे सुरू असल्याच्या तक्रारी गेल्या काही दिवसांपासून सातत्याने मिळत होत्या. या माहितीची खात्री करण्यासाठी सिटी-2 पोलीस ठाण्याच्या पथकाने सापळा रचून छापेमारी केली. या कारवाईदरम्यान तीन वेगवेगळ्या स्पा सेंटरांची तपासणी करण्यात आली.

छापेमारीत सहा परदेशी महिलांना आणि एका व्यवस्थापकाला ताब्यात घेण्यात आले. प्राथमिक तपासात या महिलांकडून देह विक्री करवून घेतली जात असल्याचा संशय पोलिसांनी व्यक्त केला आहे. या प्रकरणात संबंधितांवर कायदेशीर तरतुदींनुसार कारवाई करण्यात आली असून पुढील तपास सुरू आहे. तपासादरम्यान एका स्पा सेंटरचा संचालक हरियाणातील अंबाला येथील रहिवासी कप्तान सिंह असल्याचे समोर आले आहे.

दुसरा संचालक मनोज हा पोलिसांच्या कारवाईपूर्वीच पसार झाला. दोन्ही आरोपींविरुद्ध गुन्हा दाखल करण्यात आला आहे. सिटी-2 पोलीस ठाण्याचे प्रभारी निरीक्षक तरविंदर कुमार बेदी यांनी सांगितले की, ताब्यात घेतलेल्या महिलांची चौकशी सुरू असून सखोल तपास केला जात आहे. या घटनेनंतर परिसरात एकच खळबळ उडाली.