Narendra Modi: 'कॉंग्रेस मोदीची कबर खोदण्याचे स्वप्न पाहत आहे पण मी...' पंतप्रधानांचा कर्नाटकमधून हल्लाबोल

PM Modi In Karnataka: पंतप्रधान नरेंद्र मोदी आज कर्नाटक दौऱ्यावर आहेत, आगामी निवडणूकांच्या दृष्टीने हा दौरा महत्वाचा आहे...
PM Narendra Modi In Karnataka
PM Narendra Modi In KarnatakaSaamtv

Bangalore: कर्नाटकच्या निवडणूका जवळ येत असल्याने राजकीय हालचालींना पुन्हा एकदा वेग आला आहे. पंतप्रधान नरेंद्र मोदी आज कर्नाटक दौऱ्यावर आहेत. आगामी निवडणूकांच्या दृष्टीने पंतप्रधानांचा हा दौरा अत्यंत महत्वाचा मानला जात आहे. या दौऱ्यामध्ये पंतप्रधानांनी कर्नाटकातील 10-लेन बंगळुरू-म्हैसूर द्रुतगती महामार्गाचे (Bengaluru-Mysuru Highway) उद्घाटन केले.

या प्रकल्पामध्ये राष्ट्रीय महामार्ग-275 च्या बंगळुरू-निदाघट्टा-म्हैसूर विभागाच्या सहा पदरी कामाचा समावेश आहे. 119 किलोमीटर लांबीचा हा प्रकल्प एकूण 8,480 कोटी रुपये खर्चून विकसित करण्यात आला आहे. (Latest Marathi News)

PM Narendra Modi In Karnataka
The Kapil Sharma Show: नरेंद्र मोदी कपिल शर्माच्या शोमध्ये येणार का? स्वत: PM मोदींनीच दिली महत्वाची माहिती

भाषणातून साधला कॉंग्रेसवर निशाणा...

या उद्घाटनाच्या कार्यक्रमानंतर पंतप्रधान नरेंद्र मोदींनी (Narendra Modi) जाहीर सभेला संबोधित केले. यावेळी त्यांनी कॉंग्रेसवर जोरदार निशाणा साधला. आज कर्नाटकमधील जनतेने मला जे प्रेम दिले, त्याची व्याजासहित परतफेड करण्याचे आश्वासन त्यांनी दिले.

यावेळी पुढे बोलताना त्यांनी,"काँग्रेस आणि त्यांचे मित्रपक्ष मोदीची कबर खोदण्याचे स्वप्न पाहत आहेत, पण मोदी बंगळुरू-म्हैसूर एक्स्प्रेस वे बांधण्यात व्यस्त आहे. काँग्रेस मोदींची कबर खोदण्यात आणि मोदी गरिबांचे जीवन सुखकर करण्यात व्यस्त आहेत. देशाच्या करोडो माता-भगिनींचे आशीर्वाद मोदींचे सर्वात मोठी सुरक्षा कवच आहे, हे मोदींची कबर खोदण्याची स्वप्ने पाहणाऱ्या काँग्रेसवाल्यांना माहीत नाही, अशा शब्दात त्यांनी मोदींवर हल्लाबोल केला...

PM Narendra Modi In Karnataka
Viral Video: सातासमुद्रापल्याडं थेट रशियात राष्ट्रवादी पुन्हा! 'त्या' व्हायरल व्हिडिओची होतेय तुफान चर्चा; एकदा पाहाच....

कॉंग्रेसने गरिबांना उद्धस्त केले...

'2014 पूर्वी केंद्रात काँग्रेसचे सरकार होते, त्या काळात त्यांनी गरीबाला उद्ध्वस्त करण्याचेच काम केले. गरिबांचा हजारो कोटींचा पैसा काँग्रेस सरकारने लुटला. काँग्रेसने गरिबांच्या दुःखाचा कधीच विचार नाही केला. उलट, शेतकऱ्यांच्या छोट्या-छोट्या अडचणी दूर करुन भाजप त्यांचे प्रश्न सोडवत आहे. मांड्यातील 2.5 लाखांहून अधिक शेतकऱ्यांच्या खात्यावरही पैसे पाठवण्यात आले आहेत,' असा आरोप त्यांनी यावेळी केला..

दरम्यान, या दौऱ्यात पंतप्रधान नरेंद्र मोदी यांनी म्हैसूर-कुशालनगर दरम्यानच्या चौपदरी महामार्गाचे भूमिपूजनही पंतप्रधान मोदींनी केले. 92 किलोमीटर लांबीचा हा रस्ता प्रकल्प सुमारे 4,130 कोटी रुपये खर्चून विकसित केला जाणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com