PM Modi's Brother Hospitalized : पंतप्रधान मोदींचे भाऊ प्रल्हाद मोदी रुग्णालयात दाखल; काय आहे कारण?

PM Modi Brother Prahlad Modi : पंतप्रधान नरेंद्र मोदी यांचे भाऊ प्रल्हाद मोदी यांना रुग्णालयात दाखल करण्यात आलं आहे. किडनीशी संबंधित उपचारांसाठी त्यांना चेन्नईतील अपोलो रुग्णालयात दाखल करण्यात आले आहे. प्रल्हाद मोदी पंतप्रधान नरेंद्र मोदी यांच्यापेक्षा वयाने लहान आहेत. 

कोण आहेत प्रल्हाद मोदी?

पंतप्रधान नरेंद्र मोदी (Narendra Modi) यांना 5 भावंडे असून त्यात प्रल्हाद हे चौथ्या क्रमांकावर आहे. 5 भावंडांमध्ये तो चौथा आहे. ते पीएम मोदींपेक्षा 2 वर्षांनी लहान आहेत. प्रल्हाद मोदी (Prahlad Modi) यांचे अहमदाबादमध्ये किराणा मालाचे दुकान असून त्यांचे टायरचे शोरूमही आहे.

यापूर्वी 2018 मध्ये प्रल्हाद मोदी चर्चेत आले होते. त्यावेळी गुजरात रास्त भाव दुकान आणि केरोसीनचा परवाना घेतलेल्या ग्राहकांमध्ये जोरदार वाद सुरू होते. याच विरोधात प्रह्लाद मोदींनी आंदोलन केलं होतं. त्यावेळी ते गुजरात (Gujarat) रास्त भाव दुकान मालकांच्या संघटनेचे अध्यक्ष होते.

पंतप्रधान मोदी यांना पाच भावंडं

पीएम मोदींना ५ भावंडे आहेत. त्यांना एक बहीण आणि 4 भाऊ आहेत. सोमा मोदी, अमृत मोदी, नरेंद्र मोदी, प्रल्हाद मोदी, पंकज मोदी आणि एक बहीण वासंती मोदी. पंतप्रधानांच्या मोठ्या भावाचे नाव सोमा मोदी आहे.