Plane Crash: अफगाणिस्तानात कोसळलेलं विमान भारताचं नाही; DGCA च्या अधिकाऱ्यांनी दिली माहिती

Plane Crash in Afghanistan:

अफगाणिस्तानच्या बदख्शां प्रांतात रविवारी एक प्रवासी विमान कोसळल्याची घटना घडली. बदख्शां प्रांतात कोसळलेलं विमान हे भारतीय विमान असल्याचं सांगण्यात येत होतं. मात्र , DGCA च्या अधिकाऱ्यांनी हे विमान भारताचं नसल्याचं स्पष्ट केलं आहे. तसेच विमान अपघातातील जीवितहानीविषयी कोणतीही माहिती अद्याप समोर आलेली नाही. (Latest Marathi News)

रशियाने काय सांगितलं?

रशियाच्या अधिकाऱ्यांनी सांगितलं की, 'अफगाणिस्तानात कोसळलेलं विमान हे शनिवारी संध्याकाळपासून बेपत्ता होतं. या विमानात सहा प्रवासी होते. हे विमान फ्रान्समध्ये तयार करण्यात आलं होतं. या विमानाचं नाव फॅक्लन १० जेट होतं. हे चार्टर विमान भारताहून उज्बेकिस्तानच्या मार्गे मॉस्को येथे येत होते'.

दुसरीकडे केंद्र सरकारने स्पष्ट केलं की, अफगाणिस्तानातील दुर्घटना दुर्देवी आहे. कोसळलेलं विमान एअरक्राफ्टचं एक चार्टर विमान आहे. या विमानाची नोंदणी मोरक्का येथे झालेली आहे.

अफगाणिस्तानच्या माहिती मंत्रालयाच्या प्रमुखाने सांगितलं की, हे विमान कुरान-मुंजान आणि जिबाक जिल्ह्याजवळील तोफखान्याजवळील डोंगराळ भागात कोसळलं. ही दुर्घटना घडल्यानंतर एक पथक तपास रवाना झालं आहे. स्थानिकांचा दावा आहे की, विमान रविवारी सकाळी कोसळल्याची घटना घडली'. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)