नॉर्थ सायप्रसच्या किनाऱ्यावरून रविवारी दुपारी निघाल्यानंतर काही वेळातच २७० प्रवाशांना घेऊन जाणारी पॅसेंजर फेरी उलटल्याची घटना घडली आहे. रॉयटर्सने तुर्की सायप्रसच्या माध्यमांनी दिलेल्या माहितीनुसार, या दुर्घटनेत कोणतीही जीवितहानी झाली आहे की नाही, याबाबत अद्याप स्पष्ट माहिती मिळालेली नाही. दरम्यान, फेरीतील प्रवाशांना वाचवण्यासाठी बचाव आणि मदतकार्य सुरू करण्यात आले आहे.
असोसिएटेड प्रेसच्या माहितीनुसार, कॅटामरन शैलीतील ही फेरी सायप्रसच्या उत्तरेकडील तुर्की-नियंत्रित भागातील कायरेनिया बंदरातून तुर्कीच्या मेर्सिन प्रांतातील तासुकू बंदराकडे जात होती. स्थानिक किब्रिस वृत्तपत्राच्या माहितीनुसार, किनाऱ्यापासून सुमारे चार किलोमीटर अंतरावर असताना फेरीमध्ये पाणी शिरण्यास सुरुवात झाली. या घटनेनंतर घटनास्थळी रुग्णवाहिका पाठवण्यात आल्या. दरम्यान, AFP च्या वृत्तानुसार, उत्तरी सायप्रसच्या तुर्की-नियंत्रित प्रशासनाच्या आरोग्य मंत्रालयाने सांगितले की, बचाव आणि आरोग्य सेवा यांच्याकडून तातडीने प्रतिसाद देण्यासाठी आवश्यक सर्व तयारी करण्यात येत आहे.
नॉर्थ सायप्रसचे परिवहन मंत्री एरहान अरिकली यांनी तुर्कीच्या सरकारी TRT वृत्तवाहिनीला सांगितले की, फेरी उलटली असून बचाव पथक आधीपासूनच घटनास्थळी उपस्थित होते. आतापर्यंत १०० हून अधिक लोकांना वाचवण्यात आले असून त्यांना कायरेनिया येथे आणण्यात आले आहे. फेरीमध्ये पाणी नेमके कोणत्या कारणामुळे शिरले, याबाबत अद्याप माहिती मिळालेली नाही, असे अरिकली यांनी सांगितले. कायरेनिया आणि तासुकूदरम्यानच्या या व्यस्त मार्गावर अनेक कंपन्या फेरी सेवा चालवतात. मात्र, उलटलेली फेरी नेमकी कोणत्या कंपनीची होती, हे अद्याप स्पष्ट झालेले नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.