Pahalgam Attack: 'जाओ मोदी को बता देना'; पत्नीच्या समोरच मंजूनाथ यांच्यावर गोळ्या झाडल्या गोळ्या

मंजूनाथची पत्नी पल्लवीच्या चेहऱ्यावरचा आनंद काही क्षणातच दुःखात बदलला आणि त्याला कारण ठरलंय काश्मीरच्या पहलगाममध्ये दहशतवाद्यांच्या गोळ्यांनी मंजूनाथच्या डोक्याची अक्षरशः केलेली चाळण. दहशतवाद्यांनी पतीची हत्या केल्यानंतर पत्नीला म्हटलं, जाओ मोदी को बता देना. मात्र गोळीबारावेळी काय घडलंय? त्याची आपबितीच मंजूनाथची पत्नी पल्लवीने सांगितलीय

मंजूनाथ कुटुंबासोबत काश्मीर सहलीला गेले

पहलगाममधील मिनी स्वित्झर्लंड पॉईंटला पोहचले

अवघ्या 5 मिनिटातच आर्मीच्या कपड्यातील 4 दहशतवाद्यांकडून गोळीबार

त्याने माझ्या नवऱ्याला नाव विचारलं, नाव सांगताच हिंदू आहे असं म्हणत गोळ्या झाडल्या

नवऱ्याचा मृतदेह पाहून मला पण मारा, असं म्हणाले

त्यातील एक दहशतवादी बोलला तुला नाही मारणार, तू जा आणि मोदीला सांग

एवढंच नाही तर या हल्ल्यात मृत्यूमुखी पडलेल्या आणखी एका महिलेचा आक्रोश समोर आलाय. नवऱ्याच्या मृत्यूनंतर स्थानिकांनी आपल्याला वाचवल्याचं पल्लवी सागंते. त्यामुळे धर्म विचारुन हल्ला करणाऱ्या दहशतवाद्यांविषयी देशभर संताप व्यक्त केला जातोय. हिंदूच नाही तर काश्मीरमध्ये मुस्लीमही या हैवानी कृत्याच्या विरोधात रस्त्यावर उतरलाय. त्यामुळे आता पंतप्रधान मोदी दहशतवाद्यांचे अड्डे उध्वस्त करण्यासाठी मोहीम कधी उघडणार? याकडे लक्ष लागलंय