संदिप चव्हाण, साम टीव्ही प्रतिनिधी
मुंबई : मंकीपॉक्सने जगभरात थैमान घातलं असतानाच आता एक दिलासादायक बातमी समोर आलीय. मंकीपॉक्सवर लस आलीय. MVA-BN नावाच्या लसीला WHO नं मंजुरी दिलीय. त्यामुळे आता मंकीपॉक्सचा धोका कमी होण्याची शक्यताय. मात्र, असं असलं तरी 18 वर्षाखालील मुलं, गर्भवती महिला आणि कमकुवत रोगप्रतिकारशक्ती असलेल्यांना मंकीपॉक्सचा धोका कायमच आहे. ही लस किती प्रभावी आहे पाहुयात
MVA-BN असं या लसीचं नाव आहे. दोन-डोस इंजेक्शन म्हणून चार आठवड्यांच्या अंतराने दिली जाणार आहे. 18 वर्षांपेक्षा जास्त वयाच्या व्यक्तींना लस उपलब्ध आहे. लसीचे 2 डोस 82% प्रभावी असल्याची माहिती आहे.
मंकीपॉक्सने आफ्रिकेत हाहाकार माजवलाय. आता भारतातही मंकीपॉक्सचा रुग्ण सापडलाय. त्यामुळे मंकीपॉक्सचा धोका भारतालाही आहे. यासाठीच भारत सतर्क झालाय. मात्र, आफ्रिका, बांग्लादेश आणि पाकिस्तानात मंकीपॉक्सने धुमाकूळ घातल्याने तिथे लोकांचा बळीही जातोय. त्यामुळे ही लस वरदान ठरणाराय. मोठ्या प्रमाणात लस उपलब्ध झाल्यास मंकीपॉक्सला वेळीच रोखण्यात यश येईल.
काँगोमध्ये 70 टक्के रुग्ण हे 15 वर्षाखालील आहेत. त्यामुळे WHO ने लहान मुलांसाठी लवकरच लस बनवण्याचे निर्देश दिलेयत. सध्या ही लस GAVI वॅक्सिन अलायन्स आणि युनिसेफ खरेदी करू शकतात. तसंच भारतात सिरम इन्स्टिट्युटही मंकीपॉक्सवर लस तयार करतेय. त्यामुळे भारतीयांसाठी ही बातमी दिलासादायक आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.