माजी मंत्र्याची पक्षातून हकालपट्टी; पक्षप्रमुखांची मोठी कारवाई; इतर नेत्यांमध्ये खळबळ

उत्तर प्रदेशमध्ये आगामी विधानसभा निवडणुकीच्या पार्श्वभूमीवर राजकीय वातावरण चांगलेच तापले आहे. याच दरम्यान बहुजन समाज पक्षाच्या प्रमुख मायावती यांनी मोठी कारवाई केली आहे. सतीश चंद्र मिश्रा यांचे अत्यंत निकटवर्तीय मानले जाणारे माजी कॅबिनेट मंत्री अनंत कुमार मिश्रा उर्फ आंटु मिश्रा यांची बसपातून हकालपट्टी करण्यात आली आहे. मायावती यांनी गुरुवारी अंटू मिश्रा यांच्यावर पक्षाविरोधी कारवायांमध्ये सहभागी असल्याचा आरोप करत त्यांना तात्काळ पक्षातून काढण्यात येते अशी माहिती मायावती यांनी ट्विट करून दिली.

अंटू मिश्रा हे मायावती यांच्या सरकारमध्ये आरोग्यमंत्री होते. ते बसपाचे राष्ट्रीय महासचिव सतीश चंद्र मिश्रा यांचे निकटवर्तीय म्हणून ओळखले जातात. अंटू मिश्रा हे कानपूरमधील महाराजपूर विधानसभा मतदारसंघातून 2027 ची विधानसभा निवडणूक लढवण्याची तयारी करत होते, अशी माहिती आहे.

बसपाकडून अंटू मिश्रा यांच्यावर गंभीर आरोप

बसपाच्या केंद्रीय कार्यालयाकडून प्रसिद्ध करण्यात आलेल्या निवेदनात अंटू मिश्रा हे अनेक वर्षांपासून पक्षाविरोधी कारवायांमध्ये सहभागी असल्याचे म्हटले आहे. पक्षाचे नेतृत्वाने ही बाब शिस्तभगाची सांगात त्यांच्यावर हकालपट्टीची कारवाई केली आहे.

अंटू मिश्रा हे सतीश चंद्र यांच्या जवळचे मानले जातात. सतीश मिश्रा यांनीच त्यांना बसपामध्ये आणले होते. 2007 मध्ये बसपाने अंटू मिश्रा यांना फर्रुखाबाद विधानसभा मतदारसंघातून निवडणुकीच्या रिंगणात उतरवले होते. या निवडणुकीत विजय मिळवल्यानंतर त्यांना मायावती सरकारमध्ये कॅबिनेट मंत्री करण्यात आले होते.

उत्तर प्रदेशातील आगामी विधानसभा निवडणुकीच्या तयारीला वेग आलेला असतानाच अंटू मिश्रा यांच्यावर ही कारवाई करण्यात आली आहे. मायावती यांनी पक्षाचे पदाधिकारी आणि कार्यकर्त्यांना निवडणुकीदरम्यान विरोधी पक्षांच्या हालचालींपासून सावध राहण्याचे आवाहन केले आहे.