जवाहरलाल नेहरू विद्यापीठ (JNU) पुन्हा एकदा चर्चेत आलं आहे. शुक्रवारी मध्यरात्री विद्यार्थ्यांच्या दोन गटात जोरदार राडा झाल्याची माहिती समोर येत आहे. डाव्या आणि उजव्या विचारसरणीच्या विद्यार्थ्यांमध्ये मारामारी झाल्याची माहिती आहे. या घटनेचा व्हिडीओ सोशल मीडियावर व्हायरल झाला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
निवडणूक समिती सदस्य निवडीवरून दोन्ही गटात हाणामारी झाल्याचे सांगण्यात येत आहे. या राड्यात काही विद्यार्थी जखमी देखील झाले आहेत. जखमी विद्यार्थ्यांना सफदरजंग रुग्णालयात दाखल करण्यात आले आहे. याप्रकरणी सध्या दोन्ही पक्ष एकमेकांवर आरोप करत आहेत.
मिळालेल्या माहितीनुसार, अभाविप आणि डाव्या विचारसरणीच्या गटामध्ये ही हाणामारी झाली. स्कूल ऑफ लँग्वेजेसमध्ये निवडणूक समिती सदस्य निवडीवरून गदारोळ झाला. (Latest Marathi News)
दिल्ली पोलिसांनी म्हटलं की, आमच्याकडे दोन्ही बाजूंच्या तक्रारी आल्या आहेत. आम्ही तक्रारींची चौकशी करत आहोत. तीन जण जखमी झाल्याची माहिती पोलिसांना मिळाली आहे.
कुलगुरूंनी म्हटलं की, जेएनयू विद्यार्थी संघाच्या निवडणुका विद्यार्थ्यांद्वारे आयोजित केल्या जातात. संपूर्ण प्रक्रिया शांततापूर्ण व्हावी ही त्यांची जबाबदारी आहे. विद्यार्थी संघटनेच्या कोणत्याही तक्रारीची IHAकडून दखल घेतली जाईल. दोषी आढळणाऱ्यांवर त्यांचा राजकीय संबंध काहीही असला तरी त्यांच्यावर कठोर कारवाई केली जाईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.