Government on Bank Loan Repayment : कर्जवसुलीसाठी बँकांकडून सर्वसामान्यांना होणाऱ्या त्रासाच्या तक्रारींवर केंद्रीय अर्थमंत्री निर्मला सीतारामन यांनी मोठी घोषणा केली आहे. खासगी किंवा सरकारी बँकांनी कर्जवसुली करताना कठोर पावलं उचलू नयेत, असे सीतारामन म्हणाल्या.
कर्जवसुलीसाठी विविध बँकांकडून सामान्य नागरिकांकडे तगादा लावला जातो. तशा प्रकारच्या तक्रारी येत आहेत. केंद्रीय अर्थमंत्री निर्मला सीतारामन यांनीही यासंदर्भात मिळालेल्या तक्रारींची गंभीर दखल घेतली आहे. त्यांनी अशा बँकांना कडक शब्दांत इशारा दिला आहे. (Tajya Marathi Batmya)
संसदेच्या पावसाळी अधिवेशनात (Parliament Monsoon Session) एका खासदारानं कर्जवसुलीसाठी (Loan) बँकांकडून सर्वसामान्यांना धमकावणे किंवा वेगवेगळे हातखंडे वापरले जात असल्याच्या मुद्द्याकडे लक्ष वेधले. या मुद्द्यावर केंद्रीय अर्थमंत्री निर्मला सीतारामन यांनी उत्तर दिले. सरकार त्याबाबत कार्यवाही करत आहे. सर्व बँकांना यासंदर्भात निर्देश देण्यात आले आहेत, असे त्यांनी सांगितले.
' काही बँका कशाप्रकारे कर्जदारांशी निर्दयीपणे वागतात यांसदर्भात माझ्याकडेही तक्रारी आल्या आहेत. अशा बँकांना दिशानिर्देश देण्याचे आदेश सरकारच्या वतीने आरबीआयला दिले आहेत. सरकारी बँका असो वा खासगी बँका, त्यांनी कर्जवसुलीसाठी अशा प्रकारची कठोर पावले उचलू नयेत. कर्जवसुलीसाठी कर्जदारांकडे गेलात तर मानवता आणि संवेदनशीलता लक्षात घेऊन कार्यवाही केली पाहिजे,' असं निर्मला सीतारामन म्हणाल्या.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.