Shocking: ऑफिसमध्ये महिलेसोबत अश्लिल कृत्य, आधी मिठी मारली मग किस केला; VIDEO व्हायरल होताच DGP निलंबित

Summary:

• कर्नाटकातील डीजीपींचे आक्षेपार्ह व्हिडीओ व्हायरल झालेत

• ऑफिसमध्येच त्यांनी महिलांसोबत अश्लिल कृत्य केले

• महिलांना मिठी मारताना आणि किस करतानाचे त्यांचे व्हिडीओ चर्चेत

• हे व्हिडीओ व्हायरल झाल्यानंतर त्यांना निलंबित करण्यात आले

कर्नाटकचे डीजीपी आणि वरिष्ठ आयपीएस अधिकारी के. रामचंद्र राव यांचे महिलांसोबतचे आक्षेपार्ह स्थितीमधील व्हिडीओ व्हायरल झाले आहेत. या व्हिडीओमुळे कर्नाटकातील पोलिस दल आणि राजकारणात खळबळ उडाली. हा व्हिडीओ व्हायरल झाल्यानंतर आणि प्रकरणाचे गांभीर्य लक्षात घेता सरकारने त्यांच्याविरोधात कारवाई केली. के. रामचंद्र राव यांना निलंबित करण्यात आले आहे. सरकारने या प्रकरणाचा तपास करण्याचे आदेश दिले आहे. व्हिडीओ व्हायरल झाल्यानंतर रामचंद्र राव १० दिवसांच्या सुट्टीवर निघून गेले.

व्हायरल झालेल्या व्हिडीओंमध्ये रामचंद्र राव हे त्यांच्या ऑफिसमध्ये महिलांसोबत अश्लिल कृत्य करताना दिसले. त्यांचे एक नाही तर दोन व्हिडीओ व्हायरल झाले आहेत. ते या व्हिडीओमध्ये महिलांना मिठी मारताना आणि किस करताना दिसत आहेत. हा व्हिडीओ व्हायरल झाल्यानंतर रामचंद्र राव हे कर्नाटकचे गृहमंत्री जी. परमेश्वर यांची भेट घेण्यासाठी गेले होते. पण त्यांची भेट होऊ शकली नाही.

गृहमंत्र्यांच्या घराबाहेर माध्यमांशी बोलताना रामचंद्र राव यांनी सांगितले होते की, 'हे व्हिडीओ खोटे आहेत. मला फसवले जात आहे. हे व्हिडीओ पाहून मलाच धक्का बसला. व्हिडीओमध्ये दिसणाऱ्या महिलांशी माझा काहीही संबंध नाही. आजकाल कुणालाही फेक व्हिडीओ तयार करता येता. हे व्हिडीओ तयार करून माझी प्रतिमा खराब करण्याचे हे षडयंत्र असू शकते.'

रामचंद्र राव वादात अडकण्याची ही पहिलीच वेळ नाही. ते तुरुंगात असलेल्या अभिनेत्री रान्या रावचे सावत्र वडील आहेत. मार्च २०२५ मध्ये सोन्याच्या तस्करीच्या आरोपाखाली तिला अटक करण्यात आली होती. रान्या वर तिच्या वडिलांच्या पदाचा फायदा घेऊन प्रोटोकॉलचा गैरवापर केल्याचा आरोप आहे. दरम्यान, व्हायरल झालेले व्हिडीओ आताचे नाही तर ते एक वर्ष जुने असल्याचे म्हटले जात आहे. सोनं तस्करी प्रकरणात अभिनेत्री रान्या रावला अटक होण्यापूर्वीचे हे व्हिडीओ असल्याचे सांगितले जात आहे. पण याबाबत अद्याप पोलिसांनी काहीच माहिती दिली नाही.