जेएनयूच्या प्राध्यापकावर लैंगिक छळाचा आरोप, 11विद्यार्थ्यांच्या तक्रारीने खळबळ

दिल्लीच्या जवाहरलाल नेहरू विद्यापीठातील 11 विद्यार्थ्यांनी एका प्राध्यापकावर लैंगिक छळाचा आरोप केलाय. हे प्रकरण मे महिन्याच्या पहिल्या आठवड्यात झालेल्या तोंडी परीक्षेशी (व्हायवा) संबंधित आहे. वृत्तानुसार, प्राध्यापकाने तोंडी परीक्षेदरम्यान विद्यार्थ्यांशी लैंगिक सूचक टिप्पणी केली होती. मे महिन्याच्या दुसऱ्या आठवड्यात, एका विद्यार्थ्याने प्राध्यापकाची ही टिप्पणी एका अनधिकृत व्हॉट्सॲप ग्रुपवर शेअर केली. त्यानंतर इतर अनेक विद्यार्थ्यांनीही प्राध्यापकावर असेच आरोप केलेत. सूत्रांनुसार, प्राध्यापकाने विद्यार्थ्यांना सांगितले होते की, जर लैंगिक मागणी स्वीकारली, तर अतिरिक्त गुण मिळतील.