झारखंडचे माजी मुख्यमंत्री हेमंत सोरेन यांना हायकोर्टाने मोठा झटका दिला आहे. सोरेन यांच्या अटकेला आव्हान देणारी याचिका झारखंड उच्च न्यायालयाने फेटाळून लावली आहे. त्यामुळे सोरेन आणखी काही दिवस तुरुंगातच राहणार आहेत. फक्त काकांच्या श्राद्धासाठी त्यांना एक दिवसापुरता जामीन मिळणार आहे.
त्यामुळे हेमंत सोरेन फक्त ६ मे रोजी एकाच दिवसासाठी तुरुंगातून बाहेर येणार असून पोलीस बंदोबस्तात ते आपल्या काकांच्या श्राद्धविधीला उपस्थित राहणार आहेत. श्राद्धविधीनंतर त्यांना पुन्हा तुरुंगात परतावे लागणार आहे. या काळात कोणत्याही माध्यमांसोबत बोलू नये, अशा सूचनाही त्यांना कोर्टाने केल्या आहेत.
कथित जमीन घोटाळ्याप्रकरणी ईडीने ३१ जानेवारीला हेमंत सोरेन यांना अटक केली होती. अटकेच्या काही तासांआधीच सोरेन यांनी मुख्यमंत्रीपदाचा राजीनामा दिला होता. अटकेनंतर ईडीने त्यांची रवानगी तुरुंगात केली. तेव्हापासून ते ईडीच्या कोठडीत आहेत.
दरम्यान, हेमंत सोरेन यांच्या वतीने अटक आणि ईडी रिमांडला आव्हान देणारी फौजदारी रिट याचिका दाखल करण्यात आली होती. यामध्ये हेमंत सोरेन यांच्या वतीने अटक आणि ईडी रिमांडला आव्हान देणारी फौजदारी रिट याचिका दाखल करण्यात आली होती.
या याचिकेवर न्यायालयाने २८ फेब्रुवारी रोजी सुनावणी घेतली. दोन्ही पक्षाच्या बाजू ऐकल्यानंतर कोर्टाने निकाल राखून ठेवला होता. शुक्रवारी (ता. ३) झारखंड उच्च न्यायालयाने निकाल जाहीर केला असून हेमंत सोरेन यांना अटकेपासून दिलासा देण्यास नकार दिला आहे.
त्यामुळे सोरेन यांना काही दिवस तुरुंगातच राहावं लागणार आहे. फक्त काकांच्या श्राद्धासाठी त्यांना कोर्टाने अटीशर्थीसह एका दिवसांचा जामीन दिला आहे. त्यामुळे ६ मे रोजी हेमंत सोरेन काकांच्या श्राद्धासाठी तुरुंगातून बाहेर येतील. कार्यक्रम आटोपल्यानंतर त्यांनी रवानगी पुन्हा तुरुंगात केली जाईल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.