Iran-Israel War: इराणच्या ४०० किलो युरेनियमवर अमेरिकेचा डोळा, अमेरिकन सैन्याचा मास्टर प्लॅन काय?

Summary -

• इराण-इस्रायल युद्धामुळे तणाव वाढला

• अमेरिकेचा इराणच्या युरेनियमवर डोळा

• ग्राउंड ऑपरेशनची शक्यता

• इराणकडून अमेरिकेला कडक इशारा

गिरीश निकम, साम टीव्ही

अमेरिकेचे राष्ट्राध्यक्ष डोनाल्ड ट्रम्प यांनी इराणच्या अण्वस्त्र कार्यक्रमाला कायमचा लगाम घालण्यासाठी मास्टर प्लॅन आखलाय..यासाठी इराणमध्ये थेट 'ग्राउंड ऑपरेशन' करण्याची शक्यता आहे. तर इराणनेही वेलकम टू हेल असं म्हणत अमेरीकेला सडेतोड इशारा दिलाया. पाहूया एक रिपोर्ट...

पश्चिम आशियामध्ये युद्ध सुरू होऊन एक महिना उलटला आहे. मात्र युद्ध संपण्याची कोणतीही चिन्हे दिसत नाहीत. हवाई हल्ल्यानंतर आता अमेरिकन सैन्य इराणवर जमिनीवरून हल्ला करण्याच्या तयारीत आहे. अमेरिकेचे अध्यक्ष डोनाल्ड ट्रम्प यांची वक्तव्यं आणि मध्य पूर्वेतील अमेरिकेची वाढती लष्करी उपस्थिती या चर्चांना आणखी खतपाणी घालत आहे. इराणमध्ये अमेरीकन फौजा घुसवण्यामागे मोठं कारण आहे. इराणच्या युरेनियमवर अमेरीकन सरकारचा डोळा आहे.

अमेरीकेच्या गुप्तचर संस्थांच्या अहवालानुसार इराणच्या अणुसुविधा केंद्रामध्ये युरेनियम साठवलेले आहे. सुमारे 400 किलो युरेनियम इराणकडे आहे. त्यापासून अण्वस्त्र बनवण्याची इराणची योजना आहे. हे युरेनियम ताब्यात घेण्यासाठी थेट जमिनीवरची लढाई लढण्यासाठीही अमेरीका तयार आहे. त्यासाठी अमेरीकेचे लष्करी मुख्यालय पेंटागॉन मध्य-पूर्वेत 10 हजारपर्यंत अतिरिक्त सैन्य तैनात करत आहे. अमेरिकेच्या सेंट्रल कमांड तर जाहीरच करून टाकलय की, अडीच हजार नौदलाच्या सैनिकांसह साडेतीन हजाराहून अधिक सैनिक मध्य-पूर्वेत दाखल झाले आहेत.

इराणला अण्वस्त्र बनवण्यापासून रोखण्यासाठी आपण कोणत्याही थराला जाऊ शकतो, असा पुनरुच्चार अमेरीकेचे राष्ट्राध्यक्ष डोनाल्ड ट्म्प यांनी केलाय. त्यासाठीच अमेरिका इराणमध्ये जमिनीवरील धोकादायक लष्करी कारवाई करण्याची योजना आखत आहे. दुसरीकडे इराणनेही 'वेलकम हू हेल' असं सांगत इराणच्या भूमीवर पाऊल ठेवणारा अमेरिकी सैनिक “शवपेटीतूनच परत जाईल, अशी थेट धमकी दिलीये. त्यामुळे युरेनियमसाठी अमेरिकन फौजा खरंच इराणच्या भूमिवर उतरणार का? आणि इराणही त्यांना नरकाचा रस्ता दाखवणार का? याकडे जगाचं लक्ष आहे.