लैंगिक कृत्य मोबाईल अॅपवर लाईव्ह स्ट्रीमिंग केल्याप्रकरणी पोलिसांनी एका जोडप्याला अटक केली आहे. या बदल्यात त्यांना पैसे मिळत होते. ही धक्कादायक घटना हैदराबादमधील अंबरपेट परिसरातून समोर येत असून, या घटनेनंतर पोलिसांनी आरोपींच्या घरातून अनेक उपकरणे जप्त केल्या आहेत. यामध्ये हाय डेफिनेशन कॅमेराचाही समावेश आहे. ही घटना उघडकीस आल्यानंतर परिसरात खळबळ उडाली आहे.
पोलिसांनी दिलेल्या माहितीनुसार, पैसे कमावण्यासाठी त्यांनी या बेकायदेशीर मार्गाचा अवलंब केला. मिळालेल्या माहितीनुसार, आरोपी पती हा व्यवसायाने कॅब ड्रायव्हर आहे. जोडप्याने जलद पैसे कमावण्यासाठी वेगळ्या मार्गाचा निवड केला. पोलिसांनी सांगितले की, हे जोडपे त्यांच्या लैंगिक कृत्यांचे व्हिडिओ शूट करायचा. त्यानंतर अॅपवर शेअर करून पैसेल कमवायचा.
हा अॅप वापरणारा वर्ग तरूण आहे. अॅपमधील वापरकर्ते कंटेंटच्या बदल्यात पैसे देतात. लाईव्ह स्ट्रीम केलेल्या कंटेंटच्या बदल्यात त्यांना दोन हजार रूपये दिले जातात. तर, रेकॉर्ड व्हिडिओच्या बदल्यात त्यांना ५०० रूपये मिळतात. कॅब ड्रायव्हिंगमधून मिळणाऱ्या कमाईपेक्षा अधिक पैसे बेकायदेशीर कामातून मिळत होते.
मिळालेल्या माहितीनुसार, हे जोडपे त्यांचे कृत्य एचडी कॅमेऱ्यात रेकॉर्ड करत होते. ओळख लपवण्यासाठी हे जोडपे तोंडावर मास्क लावत होते. पोलिसांना याची माहिती मिळताच त्यांनी कारवाई केली. ईस्ट झोन टास्क फोर्सने त्यांच्या घरावर छापा टाकत दोघांना ताब्यात घेतलं. दोघांविरूद्ध आयटी कायद्याअंतर्गत गुन्हा दाखल करण्यात आला आहे. तसेच पोलिसांकडून अधिक तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.