Shocking : मांजरीच्या मृत्यूने डिप्रेशनमध्ये गेली; २० वर्षाच्या तरुणीने खोलीत जाऊन आयुष्य संपवलं

पाळीव प्राण्यांना लळा लावला कि ते आपल्यालाही तितकाच लळा लावतात असं म्हटलं जात. ते आपल्यासोबत नसले तर मनाला चटका लावून जात. अशीच एक धक्कादायक घटना हैद्राबादमध्ये घडली आहे. एका तरुणीच्या मांजरीच्या मृत्यूने ती नैराश्येत गेली. या नैराश्येतून तिने टोकाचं पाऊल उचलल्याचे समोर आले आहे. या घटनेने परिसरात भीतीचे वातावरण निर्माण झाले आहे.

मिळालेल्या माहितीनुसार, एका २० वर्षीय तरुणीने काही महिन्यांपूर्वी मांजरीचं पिल्लू दत्तक घेतलं होत. त्या पिल्लावर तिने खूप प्रेम केलं, त्याला मायेने लळा लावला. मात्र काही दिवसांतच त्या मांजराचा मृत्यू झाला. त्याच्या मृत्यूनंतर तरुणीला दुःख झाले. ती नैराश्येत गेली. मांजरीशिवाय तिला एकटेपणा जाणवू लागला.

तिच्या कुटुंबीयांनी तिला समजावलं. मात्र ती कोणाचंही ऐकण्याच्या मनस्थितीत नव्हती. अशातच तिने राहत्या घरी विष प्राशन करून आत्महत्या केली. बराच वेळ तिने प्रतिसाद न दिल्याने कुटुंबीय घाबरले. त्यांनी खोलीत जाऊन पहिले असता त्यांना मुलगी जमिनीवर बेशुद्ध अवस्थेत पडलेली सापडली.

कुटुंबीयांनी तिला तात्काळ रुग्णालयात नेले, मात्र डॉक्टरांनी तिला मृत घोषित केले. पोलिसांनी मुलीचा मृतदेह शवविच्छेदनासाठी पाठवला आहे. याप्रकरणी पोलीस अनेक बाजुंनी तपास करत आहेत. या घटनेने परिसरात खळबळ उडाली असून मृत मुलीच्या कुटुंबियांवर दुःखाचा डोंगर कोसळला आहे.