उत्तर प्रदेशच्या गोंडा जिल्ह्यातून एक हृदयद्रावक घटना समोर आली आहे. सासूच्या अंत्यसंस्काराला आलेल्या एका तरुणाला मगरीने घाघरा नदीत ओढून नेले. पोलीस स्थानिक गोताखोरांच्या मदतीने त्या तरुणाचा शोध घेत आहेत. ग्रेटर नोएडा येथील रहिवासी दीपक (वय ३०) हा आपली पत्नी आणि मुलीसह सासू उर्मिला देवी (वय ५० वर्षे) यांच्या अंत्यसंस्काराला सासरी आला होता. उर्मिला देवी यांचे मंगळवारी कर्करोगाने निधन झाले होते.
चितेसाठी खड्डा खोदल्यानंतर दीपक घाघरा नदीत हात धुण्यासाठी गेला. त्याने पाण्यात हात घालण्यासाठी खाली वाकताच अचानक एक मोठी मगर पाण्याबाहेर आली आणि तिने त्याचे डोके जबड्यात पकडून त्याला झपाट्याने नदीत ओढून नेले. घटनास्थळी उपस्थित असलेले लोक किंचाळत राहिले. काहींनी त्याला वाचवण्याचा प्रयत्नही केला, परंतु मगरीच्या वेगामुळे दीपकला वाचवणे शक्य झाले नाही.
हा थरार पाहून नदीकाठी उपस्थित असलेल्या लोकांनी आरडाओरड सुरू केली. काही लोकांनी तात्काळ दीपकला वाचवण्याचा प्रयत्न केला, मात्र मगरीचा वेग जास्त असल्याने तिला रोखण्यात यश आले नाही आणि डोळ्यादेखत दीपक पाठीमागे पाण्याच्या प्रवाहात गायब झाला. सध्या पोलीस प्रशासन आणि स्थानिक गोताखोरांच्या मदतीने नदीत दीपकचा युद्धपातळीवर शोध सुरू आहे. सासूच्या निधनाच्या दुःखातून कुटुंब सावरत नाही तोच जावयासोबत घडलेल्या या भीषण अपघातामुळे संपूर्ण कुटुंबावर दुःखाचा डोंगर कोसळला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.