Assembly Election Results 2024 LIVE: हरियाणा आणि जम्मू-काश्मीर निवडणुकांमध्ये निकाल अपडेट बाबत होणाऱ्या विलंबाबाबत काँग्रेसच्या आरोपांना निवडणूक आयोगाने दिलं उत्तर
मतदानाची मोजणी निवडणूक नियमांच्या नियम 60 नुसार नियोजित केंद्रांवर अधिकाऱ्यांद्वारे केली जात आहे - ECI
प्रत्येक पाच मिनिटांत सुमारे २५ फेऱ्यांचे अपडेट केले जात आहे, त्यामुळे काँग्रेसने व्यक्त केलेली चिंता निराधार ठरते - ECI
काँग्रेसचे आरोप निराधार आहेत आणि कोणत्याही मतदारसंघात विलंबाची नोंद झालेली नाही, त्यांनी कुठलेही पुरावे दिलेले नाहीत - ECI
हरियाणा 70 जागा काँग्रेसला येणार हे सगळेच सर्वे सांगत होते. जनतेचे मत ईव्हीएममध्ये बदलत असेल अशी चर्चा जनतेत सुरू आहे . EVM मशीनवर आमचा आरोप नाही. मात्र जनतेचेमध्ये सर्व्हेच्या माध्यमातून समोर आलं होतं, त्यावर देखील दुर्लक्ष करता येणार नाही. अजून मतमोजणी सुरू आहे आम्हाला आशा आहे की आम्ही हरियाणा सरकार स्थापन करू, असे नाना पटोले म्हणाले.
काँग्रेस नेते जयराम रमेश यांनी निवडणूक आयोगावर गंभीर आरोप केलाय. लोकसभा निवडणुकीप्रमाणेच हरियाणामध्ये निवडणूक आयोगाचा डेटा स्लो अपडेट होत आहे.
Assembly Election Results 2024 LIVE: हरियाणामध्ये काँग्रेस पिछाडीवर पडले आहे. भाजपने ५० आकडा गाठला आहे. काँग्रेस ३४ जागांवर आघाडीवर आहे.
Assembly Election Results 2024 LIVE : हरियामध्ये भाजपने जोरदार कमबॅक केलेय. भाजप सध्या ४७ जागांवर आघाडीवर आहे. तर काँग्रेस ३६ जागांवर पुढे आहे. इतर सात जागांवर अपक्ष आघाडीवर आहेत.
Assembly Election Results 2024 LIVE : हरियाणा विधानसभासाठी सकाळी आठ वाजता मतमोजणी सुरु झाली. सकाळी ११ वाजेपर्यंतच्या कलानुसार, काँग्रेसला ४०.५० टक्के मत पडली आहेत. तर भाजपला ३८.७० टक्के मते मिळाली आहेत.
Assembly Election Results 2024 LIVE : काँग्रेस नेता प्रमोद तिवारी यांनी हरियाणा आणि जम्मू काश्मीरमध्ये सरकार स्थापन करण्याचा विश्वास बालून दाखवलाय. एएनआयसोबत बोलताना त्यांनी हरियाणा आणि जम्मू काश्मीरमध्ये ६० पेक्षा जास्त जागा मिळतील, असा अंदाज वर्तवलाय.
Assembly Election Results 2024 LIVE : हरियाणामध्ये काँग्रेस पिछाडीवर पडले आहे. काँग्रेसचे ३५ उमेदवार आघाडीवर आहेत. भाजपने अर्धशतक पार केलेय. जुलाना मतदारसंघातून विनेश फोगाट पिछाडीवर पडल्या आहेत. उचाना कलां मतदारसंघात दुष्यंत चोटाला चौथ्या क्रमांकावर पोहचलाय. अंबाला कँटमधून अिल वीज पिछाडीवर आहेत.
Assembly Election Results 2024 LIVE: सुरुवातीच्या कलामध्ये काँग्रेसला जोरदार आघाडी मिळाली आहे. काँग्रेसचे उमेदवार ६२ जागांवर आघाडीवर होते. पण मतमोजणी जस जशी पुढे गेली, तसं तसे भाजपच्या उमदेवारांनी आघाडी घेण्यास सुरुवात केली. हरियाणामध्ये भाजप सध्या ५२ जागांवर आघाडीवर आहे, तर काँग्रेस फक्त ३३ जागांवरच पुढे आहे. हरियाणामध्ये वारे उलटे फिरल्याचे चित्र तयार झालेय.
Assembly Election Results 2024 LIVE: जम्मू कश्मीरमध्ये काँग्रेस आघाडीने सध्या ४९ जागांवर आघाडी घेतली आहे. भाजप २३ जागांवर पुढे आहे. अन्य १८ जागांवर आघाडीवर आहेत.
Assembly Election Results 2024 LIVE: हरियाणामध्ये भाजपने जोरदार मुसंडी मारली आहे. भाजपने ४२ जागांवर आघाडी घेतली आहे. काँग्रेसची आघाडी कमी होऊन ४० जागांवर झाली आहे. सुरुवातीच्या कलामध्ये काँग्रेस ६२ जागांवर आघाडीवर होतं. पण दुसऱ्या टप्प्यात भाजपने मुसंडी मारली आहे.
Assembly Election Results 2024 LIVE : जम्मू काश्मीरच्या 90 विधानसभा मतदारसंघासाठी सकाळी आठ वाजता मतमोजणी सुरु झाली. आतापर्यंत सर्व ९० जागांवरील सुरुवातीचे कल हातात आले आहेत. यामध्ये काँग्रेस आघाडीने मुसंडी मारली आहे. बिजबेहरा मतदारसंघातून पीडीपी प्रमुख आणि जम्मू-काश्मीरच्या माजी मुख्यमंत्री मेहबूबा मुफ्ती यांची मुलगी इल्तिजा मुफ्ती बिजबेहरामधून पिछाडीवर आहेत.
Haryana Election Results: हरियाणातील बदली येथेली भाजपचे उमेदवार ओम प्रकाश धनखड म्हणाले की, आम्ही अंतिम निकालाची वाट पाहत आहोत. दुपारपर्यंत आम्हीच सरकार स्थापन करत असल्याचे चित्र स्पष्ट होईल. सगळेच दावे करत आहेत पण कोणाचे दावे खरे आहेत हे निकालातून कळेल.
हरियाणा आणि जम्मू आणि काश्मीर या दोन्ही ठिकाणी सुरुवातीच्या कलांमधये भाजपला जोरदार धक्का बसला आहे. हरियाणात काँग्रेस 65 जागांवर आघाडीवर आहे. तर भाजप 19 पर्यंत दिसत आहे. तर जम्मू-काश्मीरमध्ये काँग्रेस आघाडीने ५३ जागांवर आघाडी घेतली आहे. तर भाजप 22 जागांवर आघाडीवर आहे.
Assembly Election Results 2024 LIVE : जम्मू-काश्मीरमधील विधानसभेच्या 90 जागांच्या मतमोजणीत आत्तापर्यंतच्या कलानुसार तेथे त्रिशंकू विधानसभा होण्याची चिन्हे आहेत. जम्मू-काश्मीरमध्ये काँग्रेस-एनसी 43 जागांवर, भाजप 29 आणि इतर उमेदवार 17 जागांवर आघाडीवर आहेत.
Assembly Election Results 2024 LIVE : जम्मू-काश्मीरमध्ये सुरुवातीच्या कलांमध्ये काँग्रेस आघाडी बहुमताच्या जवळ आली आहे. काँग्रेस आघाडी सध्या 45 जागांवर आघाडीवर आहे. तर भाजप 28 जागांवर पुढे आहे. पीडीपी 5 जागांवर तर इतर 12 जागांवर पुढे आहेत.
हरियाणामध्ये काँग्रेसने ६१ जागांवर आघाडी घेतली तर भाजप फक्त १९ जागांवर आघाडीवर आहे.
मुख्यमंत्री नायब सिंह सैनी लाडवा मतदारसंघातून आघाडीवर आहेत.
जुलाना मतदारसंघातून विनेश फोगाट आघाडीवर आहे.
अंबाला कँटमधून अनिव विज आगाडीवर आहेत.
कॅथल मतदारसंघातून आदित्य सुरजेवाला आघाडीवर आहेत.
रानियामधून अर्जुन चौटाला आघाडीवर आहेत.
गढी सांपला-किलोई मतदारसंघातून भूपेंद्र सिंह हुड्डा आघाडीवर आहेत.
तोशाम मतदारसंघातून श्रुती चौधरी आघाडीवर
हरियाणाच्या इंदरवाल मतदारसंघातून अपक्ष जीएम सरूरी आघाडीवर आहेत.
Assembly Election Results 2024 LIVE: जम्मू कश्मीरमध्ये काँग्रेस-एनसी आघाडी ४७ जागांवर आघाडीवर आहे. तर भाजपला २९ जागांवर आघाडी मिळाली आहे. तर अन्य १७ जागांवर आघाडीवर आहेत.
Assembly Election Results 2024 LIVE : हरियाणामधील सुरुवातीच्या कलामध्ये काँग्रेसने जोरदार आघाडी घेतली आहे. भाजपला धक्का बसला आहे. हरियाणाध्ये काँग्रेस ६० जागांवर आघाडीवर आहे. तर भाजपला फक्त १७ जागांवर आघाडी मिळाली आहे. ७ जागांवर इतर आघाडीवर आहे. सुरुवातीच्या कलानुसार, हरियाणामध्ये काँग्रेस बहुमताने सत्तेत येण्याची शक्यता दिसत आहे. हरियाणातील सुरुवातीच्या ८६ जागांचे आकडे हातात आले आहेत. त्यामध्ये काँग्रेसला बहुमत दिसत आहे.
Assembly Election Results 2024 LIVE : आज दिवसभर आम्हाला लाडू आणि जिलेबी खायला मिळेल, असा विश्वास आहे. आम्ही पंतप्रधान मोदींनाही जिलेबी पाठवणार आहोत... हरियाणा, जम्मू-काश्मीरमध्ये आम्ही बहुमताने सरकार स्थापन करणार आहोत, असा आम्हाला विश्वास आहे, असे पवन खेडा म्हणाले.
Assembly Election Results 2024 LIVE : रोहतकमध्ये काँग्रेसला जोरदार धक्का बसलाय. रोहतक जागांवर भाजपचे मनीष ग्रोवर यांनी आघाडी घेतली आहे.
Assembly Election Results 2024 LIVE : जम्मू काश्मीरमध्ये काटें की टक्कर पाहायला मिळत आहे. सुरुवातीच्या कलामध्ये भाजप २१,काँग्रेस २८ आणि इतर १० जागांवर आघाडीवर आहेत.
Assembly Election Results 2024 LIVE : हरियाणामध्ये सुरुवातीच्या कलामध्ये काँग्रेसने बहुमताचा आकडा पार केला आहे. काँग्रेस सध्या ४६ जागांवर आघाडीवर आहे. तर भाजप २० जागांवर आघाडीवर आहे.
Assembly Election Results 2024 LIVE : जम्मू काश्मिरमध्ये काँग्रेस आणि भाजपमध्ये काटें की टक्कर पाहायला मिळत आहे. भाजप २२ जागांवर आघाडीवर आहे, तर काँग्रेसने २५ जागांवर आघाडी घेतली आहे.
Assembly Election Results 2024 LIVE : सुरुवातीच्या कलामध्ये हरियाणामध्ये काँग्रेसने बाजी मारली आहे. काँग्रेसचे ३८ उमेदवार आघाडीर आहेत. तर भाजपला २५ जागांवर आघाडी मिळाली आहे. इतर चार जागांवर आघाडीवर आहेत.
सुरुवातीच्या कलामध्ये हरियाणातून माजी मुख्यमंत्री भूपेंद्र सिंह हुड्डा आघाडीवर आहेत.
Assembly Election Results 2024 LIVE : सुरुवातीच्या कलामध्ये हरियाणामध्ये काँग्रेसने मोठी आघाडी घेतली आहे. काँग्रेसचे उमदेवार ३८ जागांवर आघाडीवर आहेत, तर २२ जागांवर भाजप आघाडीवर आहे.
Assembly Election Results 2024 LIVE: जम्मू-कश्मीर विधानसभा निवडणूक निकालात ३१ जागांवरील सुरुवातीचे कल हातात आले आहेत. यामध्ये नॅशनल कॉन्फ्रेंस 13, भाजप 13 आणि पाच जागांवर इथर उमेदवार आघाडीवर आहेत.
Assembly Election Results 2024 LIVE: जम्मू-काश्मीरमध्ये सुरुवातीच्या कलामध्ये काँग्रेस 10 जागांवर पुढे आहे. तर भाजप 8 जागांवर आघाडीवर आहे.
Assembly Election Results 2024 LIVE: हरियाणातील सुरुवातीच्या कलामध्ये काँग्रेस 32 जागांवर आघाडीवर आहे. भाजपने 14 जागांवर आघाडी घेतली आहे.
Assembly Election Results 2024 LIVE : हरियाणा आणि जम्मू-काश्मीर विधानसभा निवडणुकीच्या सुरुवातीच्या कलामध्ये काँग्रेसने आघाडी घेतली आहे. मतमोजणीला सुरुवात झाली, तेव्हा भाजपने आघाडी घेतली होती. पण काँग्रेसने मुसंडी मारली. हरियाणात काँग्रेस 30 जागांवर आघाडीवर आहे. तर भाजप 10 जागांवर पुढे आहे. 2 जागांवर इतर आघाडीवर आहेत.
त्याचबरोबर जम्मू-काश्मीरमध्ये काँग्रेस 6 जागांवर आघाडीवर आहे. तर भाजप 2 जागांवर आघाडीवर आहे.
Assembly Election Results 2024 LIVE: हरियाणामध्ये सुरुवातीच्या कलामध्ये भाजपला मोठी आघाडी मिळाली आहे. भाजप ५ जागांवर आघाडीवर आहे, तर कांग्रेस चार जागांवर आघाडीवर आहे.
Assembly Election Result 2024 LIVE : जम्मू काश्मीरचे माजी मुख्यमंत्री उमर अब्दुल्ला यांनी सोशल मीडियावर पोस्ट करत विजयाचा दावा केला आहे. त्यांनी आपल्या कार्यकर्त्यांना शुभेच्छाही दिल्या आहेत.
जम्मू काश्मीर आणि हरियाणामध्ये थोड्याच वेळात मतमोजणीला सुरुवात झाली आहे. कुठलाही अनूचित प्रकार घडू नये म्हणून मतमोजणी केंद्रावर पोलिसांचा तगडा बंदोबस्त तैनात करण्यात आला आहे. दोन्ही राज्यांच्या विधानसभेचं चित्र दुपारपर्यंत स्पष्ट होण्याची शक्यता आहे.
जम्मू-काश्मीरमधील ९० जागांपैकी भाजप ३५ जागांवर विजय मिळवणार, असा विश्वास भाजपचे प्रदेशाध्यक्ष रवींद्र रैना यांनी व्यक्त केला आहे. राज्यात थोड्यात वेळात मतमोजणीला सुरुवात होणार आहे. याआधी रैना यांनी हा विश्वास व्यक्त केला आहे.
जम्मू-काश्मीर आणि हरियाणा विधानसभा निवडणुकीचा आज जाहीर होणार आहे. त्यामुळे दोन्ही राज्यांमध्ये नेमकी कोणाची सत्ता येणार याकडे संपूर्ण देशाचं लक्ष लागून आहे. कलम ३७० हटवल्यानंतर जम्मू-काश्मीरमध्ये विधानसभेची निवडणूक अतिशय चुरशीची झाली. एक्झिट पोलमध्ये त्रिशंकू विधानसभेचा अंदाज वर्तवला आला.
दरम्यान, या निकालाआधीच नॅशनल कॉन्फरन्सचे नेते फारूख अब्दुल्ला यांनी एक मोठं विधान केलं. जम्मू-काश्मीरमध्ये भाजपला सत्तेपासून दूर ठेवण्यासाठी मेहबूबा मुफ्ती यांच्या पीपल्स डेमोक्रॅटिक पार्टीशी गठबंधन करण्यास आम्ही तयार आहोत, असं विधानस फारुख अब्दुल्ला यांनी केलं. त्यामुळे निवडणुकीच्या निकालाआधीच जम्मू-काश्मीरमध्ये राजकीय घडामोडींना वेग आला आहे.
जम्मू-काश्मीर आणि हरियाणा विधानसभा निवडणुकीचा निकाल आज ९ ऑक्टोबर रोजी लागणार आहे. दोन्ही राज्यात विधानसभेच्या प्रत्येकी ९०-९० जागा आहेत. कलम ३७० हटवल्यानंतर जम्मू-काश्मीरमध्ये पहिल्यांदाच निवडणूक झाली आहे. त्यामुळे या निवडणुकीला विशेष महत्व प्राप्त झालं आहे. दुसरीकडे हरियाणात सलग १० वर्षांपासून भाजपची सत्ता आहे. यंदा मात्र, काँग्रेसने ही सत्ता आपल्याकडे खेचून आणण्यासाठी शर्थीचे प्रयत्न केले आहे. दोन्ही राज्यातील निकालामुळे महाराष्ट्रातील राजकीय परिस्थिती बदलू शकते. कारण, यानंतर महाराष्ट्र आणि झारखंड या दोन राज्यांच्या विधानसभा निवडणुका होणार आहे. असं राजकीय तज्ज्ञांनी म्हटलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.