Hariyana Bus Accident: हरियाणात भीषण अपघात; बस आणि कार एकमेकांना धडकल्या, ७ जणांचा मृत्यू

Hariyana Bus Accident News: महाराष्ट्रासहित देशभरात अपघातांच्या मालिका सुरूच आहे. हरियाणातही भीषण अपघात झाला आहे. हरियाणाच्या जींद जिल्ह्यात बस आणि कारचा भीषण अपघात झाला आहे. हरियाणाच्या भिवानी रोड येथील बीबीपूर गावाजवळ हा अपघात झाला आहे. या अपघातात ७ जणांचा मृत्यू झाल्याची माहिती समोर आली आहे. (Latest Marathi News)

हरियणात भीषण अपघात झाला आहे. हरियाणात रस्त्यावर बस आणि कारचा अपघात झाला. तर या बसच्या अपघातात कंडक्टर देखील जखमी झाला आहे. त्यांना डोक्याला जखम झाली आहे. त्यांनी सांगितलं की, एक कार ही ओव्हरटेक करत होती, त्याचदरम्यान बस आणि कार एकमेकांना धडकल्या. या बसमध्ये १५ ते २० प्रवासी होते. तर कारमध्ये १० प्रवासी होते.

दरम्यान, या भीषण अपघातानंतर सहा रुग्णवाहिका घटनास्थळी पोहोचल्या. भिवानी रोडवेजवर अपघात घडला आहे. या अपघातात कारचा चक्काचूर झाला आहे. या अपघातातील जखमींना उपचारासाठी रुग्णालयात दाखल केले आहे. कारमधील प्रवाशांचा मृत्यू झाला आहे.

तेलंगणात अशीच एक भयंकर घटना समोर आली आहे. तेलंगणातील हैदराबाद येथे दोन दिवसांपूर्वी धावत्या बसला भीषण आग लागल्याची धक्कादायक घटना घडलीये.

मिळालेल्या अधिक माहितीनुसार, हैदराबादमध्ये TSRTC बसला अचानक आग लागली. यावेळी बसमध्ये सुमारे ११ जण प्रवास करत होते. धूर येऊ लागल्याने प्रवाशी लगेच बसमधून खाली उतरले. सुदैवाने या दुर्घटनेत कोणतीही जीवितहानी झालेली नाही. अपघाताची माहिती मिळताच अग्निशमन दल तात्काळ घटनास्थळी दाखल झाले होते . त्यानंतर अग्निशमन दलाच्या मदतीने आग आटोक्यात आणण्यात आली.