भाजप सोडताच बड्या नेत्यानं मागितला थेट पंतप्रधान मोदींचा राजीनामा; काय आहे प्रकरण?

Shehzad Poonawalla PM Modi Resignation Tweet: भाजपचा राजीनामा दिल्यानंतर शहजाद पूनावाला यांनी सोशल मीडियाच्या माध्यमातून थेट पंतप्रधान मोदींचा राजीनामा मागितलाय. आपल्या व्हिडिओमध्ये बोलताना शहजाद पुनावाला यांनी डाव्या विचारसरणीच्या लोकांवर आणि काँग्रेसवरही निशाणा साधला. काही काळ भाजपचं प्रवक्ते पद सांभाळणाऱ्या शहजाद पुनावला यांनी पंतप्रधान मोदींचा राजीनामा मागितला हे जाणून घेऊ.

शहजाद पुनावाला यांनी आपल्या कारमधून व्हिडिओ शूट केलाय. हा व्हिडिओ एक्स या सोशल मीडिया प्लॅटफॉर्मवर पोस्ट केलाय. त्यात त्यांनी पंतप्रधानांच्या राजीनाम्याची मागणी करणाऱ्या 'डाव्या-उदारमतवादी' (Leftist-liberals) गटावर आणि काँग्रेसवर शरसंधान साधलंय. भारतीय जनता पक्षाचा राजीनामा दिल्यापासून शहजाद पुनावाला हे चर्चेत आहेत.

पुनावाला यांनी ट्विट करून सांगितले की, डाव्या विचारसरणीच्या उदारमतवाद्यांनी त्यांना पंतप्रधानांच्या राजीनाम्याच्या मागणीच्या मोहिमेत सहभागी होण्यास वारंवार सांगित होते, परंतु त्यांनी त्याला नकार दिला. याचबरोबर त्यांनी काँग्रेसवरही टीका केली आहे.

पंतप्रधान नरेंद्र मोदींचा का मागितला राजीनामा

"पंतप्रधान महोदय, कृपया राजीनामा द्या; कारण तुम्ही इंदिराजींचा नातू बनण्यात अपयशी ठरला आहात."भाजप सोडल्यापासून पूनावाला सोशल मीडियावर सातत्याने विरोधी पक्षावर टीका करत आहेत. त्यांनी विशेषतः राहुल गांधी आणि काँग्रेस पक्षाला लक्ष्य केलंय . याच व्हिडिओ पंतप्रधानांच्या राजीनाम्याची उपरोधिक मागणी करताना त्यांनी ज्या व्हिडिओचा संदर्भ दिला होता, त्यातच त्यांनी काँग्रेस आणि राहुल गांधींचे वर्णन वारंवार 'हुकूमशहा' असे केले होते.