Shocking: 'राजश्री पान मसाला'च्या मालकाच्या सुनेची आत्महत्या, सुसाईड नोटमध्ये लिहिलं कारण...

Summary -

• दिल्लीतील प्रतिष्ठित व्यावसायिक कुटुंबात धक्कादायक घटना घडली

• मला पसंद आणि राजश्री पान मसालाचे मालक कमल किशोर यांच्या सुनेची आत्महत्या

• दिप्ती चौरसिया यांनी राहत्या घरी केली आत्महत्या

• आत्महत्येपूर्वी लिहिलेल्या सुसाईड नोटमध्ये त्यांनी कोणावरही आरोप केलेला नाही

दिल्लीतील प्रतिष्ठित व्यावसायिक कुटुंबात धक्कादायक घटना घडली आहे. कमला पसंद आणि राजश्री पान मसालाचे मालक कमल किशोर यांच्या सुनेने आत्महत्या केली. या घटनेमुळे खळबळ उडाली आहे. दिप्ती चौरसिया (४० वर्षे) असं आत्महत्या केलेल्या महिलेचे नाव आहे. तिने मंगळवारी संध्याकाळी राहत्या घरी टोकाचे पाऊल उचलत स्वत:ला संपवलं. आत्महत्येपूर्वी दिप्तीने सुसाईड नोट लिहिली होती त्यामध्ये तिने मृत्यूचे कारण सांगितले आहे.

मिळालेल्या माहितीनुसार, कमल किशोर यांची सून दिप्ती चौरसिया यांनी मंगळवारी राहत्या घरी आत्महत्या केली. त्यांनी आत्महत्येपूर्वी सुसाईड नोट लिहिली. यामध्ये त्यांनी कुणावरही काहीच आरोप केला नाही. दिप्ती चौरसियाच्या कुटुंबीयांनी याप्रकरणी पोलिस ठाण्यात धाव घेत तक्रार दाखल केली. त्यांनी दिप्ती यांच्या सासरच्या मंडळींवर आत्महत्येस प्रवृत्त केल्याचा आरोप केला आहे.

दिप्ती यांचे २०१० मध्ये कमल किशोर यांचा मुलगा हरप्रीत चौरसिया यांच्यासोबत लग्न झाले होते. दिप्ती आणि हरप्रीत यांना १४ वर्षांचा मुलगा आहे. असा आरोप केला जात आहे की, हरप्रीतने दोन लग्न केले होते. हरप्रीत यांची दुसरी बायको साऊथ फिल्म इंडस्ट्रीतील प्रसिद्ध अभिनेत्री आहे. वसंत विहार पोलिस या प्रकरणाची चौकशी करत आहेत.