Rahul Gandhi News : काँग्रेसचे माजी अध्यक्ष राहुल गांधी यांचे लोकसभा सदस्यत्व रद्द केल्यानंतर त्यांना सरकारी बंगला रिकामा करण्याची नोटीस बजावण्यात आली आहे. यानंतर काँग्रेस नेते आणि कार्यकर्ते 'मेरा घर, राहुल गांधी का घर'च्या नावाने प्रचार करत आहेत.
दरम्यान, दिल्लीतील एका महिलेने तिचे चार मजली घर राहुल गांधींच्या नावावर केले आहे. राजकुमारी गुप्ता असे या महिलेचे नाव असून त्यांनी दिल्लीतील मंगोलपुरी भागात असलेले आपले ४ मजली घर राहुल गांधी यांच्या नावावर केले आहे.
राजकुमारी गुप्ता या दिल्ली काँग्रेस (Congress) सेवादलाशी संबंधित आहेत. लोकसभा सदस्यत्वासाठी अपात्र ठरलेले काँग्रेस नेते राहुल गांधी (Rahul Gandhi) यांना २२ एप्रिलपर्यंत सरकारी बंगला खाली करण्यास सांगण्यात आले आहे. 27 मार्च रोजी लोकसभेच्या गृहनिर्माण समितीने त्यांना नोटीस पाठवून 22 एप्रिलपर्यंत त्यांचे अधिकृत निवासस्थान रिकामे करण्यास सांगितले होते. (Congress News)
नेमकं प्रकरण काय?
सूरतमधील एका कोर्टानं राहुल गांधींना दोषी ठरवलं. मोदी आडनावाबद्दलच्या एका टिप्पणी प्रकरणात कोर्टानं हा निकाल. राहुल गांधींना दोन वर्षांची शिक्षा सुनावली. या प्रकरणात त्यांना जामीन मिळाला आहे. दुसऱ्या दिवशी २४ मार्च रोजी त्यांना लोकसभेच्या सदस्यत्वासाठी अपात्र ठरवण्यात आले. अपात्र ठरलेल्या सदस्याला त्यांचे सदस्यत्व संपुष्टात आल्यापासून एका महिन्याच्या आत अधिकृत बंगला रिकामा करावा लागतो. त्यामुळे आता राहुल गांधींना १२ तुघलक लेन येथील त्यांचा अधिकृत बंगला 22 एप्रिलपर्यंत रिकामा करावा लागणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
