Thane Water Supply : ठाणेकरांना दिलासा! पाणीकपातीचं संकट टळलं

Thane Water Supply News : बारवी धरणात यंदा मार्च महिन्याअखेर ५० टक्के पाणीसाठा शिल्लक असून त्यामुळं यंदा ठाणे जिल्ह्यात कोणतीही पाणीकपात न करण्याचा निर्णय जलसंपदा विभागानं घेतला आहे. त्यामुळं ठाणे जिल्ह्यावरील पाणीकपातीचं संकट यंदाच्या वर्षी टळलं असून नागरिकांना यामुळे दिलासा मिळणार आहे. (Latest Marathi News)

बारवी धरणातून संपूर्ण ठाणे (Thane) जिल्ह्याला पाणीपुरवठा केला जातो. ठाणे जिल्ह्यातील ठाणे, भिवंडी मीरा भाईंदर, डोंबिवली, उल्हासनगर या महापालिकांसह अंबरनाथ आणि बदलापूर या नगरपालिका आणि एमआयडीसी, स्टेम प्राधिकरण यांना बारवी धरणातून पाणी पुरवलं जातं. (Thane News)

दरवर्षी जलसाठा कमी होत असल्यानं उपलब्ध जलसाठ्याचं योय नियोजन करण्यासाठी १५ ते २० टक्क्यांची पाणीकपात जलसंपदा विभागाकडून केली जाते. मात्र यंदाच्या वर्षी बारवी धरणात ५० टक्के जलसाठा शिल्लक आहे. पावसाळ्यापर्यंत हा जलसाठा पुरणार असल्यानं यंदा कोणतीही पाणीकपात न करण्याचा निर्णय जलसंपदा विभागाने घेतला आहे. या निर्णयामुळे नागरिकांना मोठा दिलासा मिळणार आहे.

Edited By - Shivani Tichkule