'कोरियन लव्ह गेम'चा जीवघेणा विळखा, तीन सख्ख्या बहिणींची आत्महत्या

ज्या डोळ्यांनी भविष्याची स्वप्नं पाहायची, ज्या हातांनी बाहुल्यांशी खेळायचं, त्याच हातांतील मोबाईलनं तीन सख्ख्या बहिणींचा जीव घेतलाय... एका हसत्या-खेळत्या घराची राखरांगोळी झालीय... एका रात्रीत, एका क्षणात, तीन सख्ख्या बहिणी कायमच्या निघून गेल्या... आणि त्याला कारण ठरलाय...' कोरियन लव्ह गेम'...

"सॉरी पापा... आम्ही कोरिया सोडू शकत नाही. कोरिया हेच आमचे जीवन आहे आणि तुम्ही आम्हाला तिथून बाहेर काढू शकत नाही, म्हणूनच आम्ही हे पाऊल उचलत आहोत." असं पत्र लिहून घरातील तिन्ही मुलींनी एकमेकींचे हात पकडून इमारतीच्या बाल्कनीतून उडी मारली. काय आहे हा जीवघेणा कोरियन लव्ह गेम ...

जीवघेणा कोरियन लव्ह गेम

हा फक्त मनोरंजनाचा खेळ नसून एक टास्क बेस्ड रोमँटिक गेम

गेममध्ये एक कोरियन व्हर्च्युअल पार्टनर निवडून चॅटिंग करता येते

ब्लू व्हेल गेमप्रमाणेच यात 50 दिवसांचे 50 टास्क दिले जातात

सुरुवातीला चॅटिंग, फोटो शेअर असे साधे टास्क पुढे धोकादायक होत जातात

हा गेम K-Pop आणि K-Drama च्या लोकप्रियतेचा गैरफायदा घेतो

मुलांना आपण एका काल्पनिक कोरियन जगात असल्याचा भास होतो

कोरियन लव्हमधील शेवटचे टास्क खेळाडूला मृत्यूच्या दारात ढकलणारे असतात

कोरोनापासूनच या मुलींना मोबाईलचं व्यसन लागलं होतं...त्यापायी त्यांनी शाळेत जाणंही बंद केलं... पालक त्यांना अभ्यासावरून आणि गेमिंगवरून सुनावयचे..त्याच रागातून या सख्ख्या बहिणींनी हे पाऊल उचललंय..

त्यामुळे मुलांच्या हातात मोबाईल देताना सावधान रहा..मुलांशी संवाद साधा, पुस्तक वाचनाची, मैदानावरील खेळाची आवड मुलांमध्ये निर्माण करा... कारण गेम 'ओव्हर' झाला की रिस्टार्ट करता येतो, पण आयुष्य नाही!"