Accident: तो प्रवास ठरला अखरेचा! मांजा अडकल्याने दुचाकी पुलावरून खाली कोसळली, बापलेकीचा जागीच मृत्यू

Summary:

• गुजरातच्या सूरतमध्ये भयंकर अपघात

• मांजाने घेतला बापलेकीचा जीव

• मांजा अडकल्याने दुचाकी पुलावरून खाली कोसळली

• अपघातामध्ये महिला गंभीर जखमी झाली

गुजरातच्या सूरतमध्ये मांज्यामुळे भयंकर रस्ते अपघात झाला. मांजाने एकाच कुटुंबातील दोघांचा जीव घेतला. दुचाकीवरून आई-वडील आणि चिमुकली फिरायला निघाले होते पण वाटेत त्यांच्यावर काळाने घाला घातला. पंतगीच्या मांजामुळे त्यांची दुचाकी अनियंत्रित झाली आणि पुलावरून खाली कोसळली. या अपघातामध्ये बाप आणि लेकीचा जागीच मृत्यू झाला. तर चिमुकलीची आई गंभीर जखमी झाली असून तिच्यावर रुग्णालयात उपचार सुरू आहे.

मिळालेल्या माहितीनुसार, रेहान रहीम शेख (३५ वर्षे) हे बायको रेहाना आणि १० वर्षांची मुलगी आयेशासोबत दुचाकीवरून जात होते. तिघेही सुट्टी असल्यामुळे फिरायला निघाले होते. त्यावेळी अचानक पतंगीचा मांजा समोर आला आणि रेहान यांच्या अंगात मांजा अडकला. हा मांजा बाजूला करण्याच्या प्रयत्नात दुचाकी अनियंत्रित झाली आणि पुलाच्या संरक्षण भिंतीला धडकली. त्यानंतर ही दुचाकी थेट ७० फूट उंच पुलावरून खाली कोसळली.ACcident

या अपघातामध्ये वडील आणि मुलीचा जागीच मृत्यू झाला. तर दुचकीस्वाराची बायको बचावली. या अपघातामध्ये ती गंभीर जखमी झाली. दुचाकी जेव्हा पुलावरूनखाली कोसळली. तेव्हा दुचाकीस्वाराची बायको पुलाखील उभ्या असलेल्या रिक्षावर पडली त्यामुळे ती बचावली. या अपघातामध्ये ही महिला गंभीर जखमी झाली. तिच्यावर रुग्णालयात उपचार सुरू आहेत. अपघातामध्ये दुचाकी आणि रिक्षाचा चुराडा झाला.