Bihar Fire News : दुर्दैवी! लग्नघरात फटाक्यांच्या आतिषबाजीमुळं सिलिंडरचा स्फोट; कुटुंबातील ६ जण होरपळले

बिहारमधून एक धक्कादायक घटना समोर आली आहे. बिहारच्या दरभंगा भागातील एका लग्नघरात फटाक्यांच्या आतिशबाजीने सिलिंडरचा स्फोटमुळे आग लागली आहे. ही आग इतकी भीषण होती की, या आगीत एका कुटुंबातील तब्बल सहाजणांचा होरपळून मृत्यू झाला आहे. या घटनेनंतर संपूर्ण परिसरात मोठी खळबळ उडाली आहे. घटनेची माहिती मिळतात पोलीस आणि अग्नीशनमदल घटनास्थळी दाखल झाले आहेत.

मिळालेल्या माहितीनुसार, संपूर्ण घटना बिहारच्या दरंभगा जिल्ह्यातील अलीनगर प्रखंडच्या अंटोर गावामधील आहे. या गावात लग्नकार्य सुरु होते. या लग्नकार्यादरम्यान काही लोकांनी फटाके लावत होते. त्या दरम्यानच फटाके लावल्यानंतर फटाक्यांची आग जवळील असलेल्या घराला लागते. क्षणार्धात आग संपूर्ण घराला लागते.

घराबाहेर लागलेली आग घरात ठेवलेल्या गॅस सिलिंडरपर्यंत पोहोचते आणि काही वेळाने या आगीमुळे सिलिंडरचा मोठा स्फोट झाला. यानंतर दारात ठेवलेल्या डिझेलच्या ड्रमलाही आग लागली,ज्यामुळे त्यामुळे प्रकरण अधिकच चिघळले. काही वेळातच संपूर्ण घरामध्ये आगीच्या ज्वाळांचा भडका उडू लागला.

लागलेल्या आगीमुळे सर्वत्र आरडाओरडा सुरु झाली. जीव वाचवण्यासाठी प्रत्येकजण इकडे तिकडे धावू लागले. संपूर्ण घरातील साहित्य जळून खाक झाले. यावेळी आजूबाजूच्या परिसरात घबराट पसरली. आग दूरवर पसरली. तात्काळ या घटनेची माहिती नागरिकांनी पोलिसांनी आणि अग्निशमन दलाला देण्यात आली. या दुर्देवी घटनेत एका कुंटुंबातील सहाजणांचा मृत्यू झाला आहे. या घटनेबाबत डीएम राजीव रोशन यांनी सांगितले की, या घटनेची चौकशी करण्यासाठी पोलिसांचे पथक रवाना झाले आहे.