Cyclone Alert : समुद्र खवळला! 'दित्वा' चक्रीवादळाचा फटका, श्रीलंकेत एका दिवसांत ५६ जणांचा मृत्यू

श्रीलंकेत दित्वा चक्रीवादळामुळे मुसळधार पाऊस पडत आहे. सतत पाऊस, भूस्खलन आणि वाढत्या पुराच्या पाण्यामुळे दितवा चक्रीवादळाचा आजूबाजूच्या गावांना मोठा फटका बसला आहे. फक्त एका आठवड्यात ५६ लोकांचा मृत्यू झाला असून २१ जण अजूनही बेपत्ता आहेत. या वादळाचा परिणाम श्रीलंकेच्या अनेक जिल्ह्यांमधील ४४,००० नागरिकांवर झाल्याचं पाहायला मिळतं आहे. तसेच जिल्ह्यातील अनेक भाग पाण्याखाली गेले आहेत. आता भारतातही त्याचा परिणाम होणार असल्याचे हवामान विभागाने म्हटले आहे. दितवा चक्रीवादळ नैऋत्य बंगालच्या उपसागरातून ३० नोव्हेंबरच्या सकाळपर्यंत उत्तर तामिळनाडू, पुडुचेरी आणि लगतच्या दक्षिण आंध्र प्रदेशच्या किनाऱ्यावर पोहोचण्याची शक्यता आहे.

भारतीय हवामान विभागाने दिलेल्या माहितीनुसार, वादळ वेगाने पुढे सरकत आहे आणि ३० नोव्हेंबरच्या सकाळपर्यंत ते उत्तर तामिळनाडू, पुद्दुचेरी आणि दक्षिण आंध्र प्रदेशच्या किनाऱ्याजवळ बंगालच्या उपसागरात पोहोचेल. त्यामुळे भारतीय हवामान खात्याने अनेक राज्यांसाठी पाऊस आणि वाऱ्याचा इशारा जारी केला आहे.

हवाई प्रवासावरही परिणाम

खराब हवामानाचा हवाई प्रवासावरही परिणाम झाला आहे. श्रीलंकेच्या एअरलाइन्सने वृत्त दिले आहे की अनेक विमाने सुरक्षितपणे उतरू शकली नाहीत आणि त्यांना श्रीलंकेतील कोची, त्रिवेंद्रम आणि मट्टाला विमानतळांवर वळवण्यात आले. भयानक परिस्थिती पाहता श्रीलंकेचे सरकार आंतरराष्ट्रीय मदत घेण्याचा विचार करत आहे. या विषयावर निर्णय घेण्यासाठी पंतप्रधान हरिनी अमरसुरिया यांच्या अध्यक्षतेखाली एक बैठक बोलावण्यात आली आहे.

रेल्वे सेवा ठप्प

पाऊस आणि पुरामुळे रेल्वे सेवा देखील स्थगित करण्यात आल्या आहेत. रेल्वे विभागाने सांगितले की, शुक्रवारी सकाळी ६ वाजल्यापासून सर्व गाड्या अनिश्चित काळासाठी थांबवण्यात आल्या आहेत. मध्य प्रांतातील गम्पोला येथील रेल्वे स्टेशन पूर्णपणे पाण्याखाली गेले आहे आणि अनेक डबे अडकले आहेत. श्रीलंकेतील जवळजवळ सर्व प्रमुख जलाशयांचे गळती दरवाजे उघडण्यात आले आहेत, ज्यामुळे पुराचा धोका आणखी वाढला आहे.

पुढील काही दिवस पाऊस कायम

या वादळामुळे दक्षिण तामिळनाडू, पुद्दुचेरी, श्रीलंका आणि दक्षिण आंध्र प्रदेशच्या किनारपट्टीवर ताशी ६०-१०० किमी वेगाने वारे वाहण्याची शक्यता आहे. चक्रीवादळ दित्वा श्रीलंकेच्या पूर्वेकडील जिल्हा असलेल्या त्रिंकोमालीजवळ आहे. हे वादळ त्रिंकोमालीपासून सुमारे ५० किमी दक्षिणेस आहे आणि हळूहळू वायव्येकडे सरकत आहे. यामुळे देशभरात मुसळधार पाऊस, जोरदार वारे आणि गडगडाटी वादळाचा धोका आहे.