IMD Weather Alert: सावधान! परत आणखी एक चक्रीवादळ येतंय; 'या' राज्यांमध्ये होणार मुसळधार पाऊस

बंगालच्या उपसागरासह अंदमान आणि निकोबार बेट आणि अंदमान समुद्राच्या परिसरावर कमी दाबाचे क्षेत्र तयार झाले आहे. हे क्षेत्र पश्चिम-वायव्य दिशेला सरकण्याची आणि त्याचे रूपांतर 'डिप्रेसन'मध्ये (कमी दाबाच्या तीव्र क्षेत्रात) होण्याची शक्यता आहे. उद्यापर्यंत ते अधिक तीव्र होऊन त्याचे रूपांतर चक्रीवादळात होईल, असा अंदाज हवामान विभागाने वर्तवलाय.

बंगालच्या उपसागरासह अंदमान आणि निकोबार बेटे आणि अंदमान समुद्राच्या परिसरावर कमी दाबाचे क्षेत्र तयार झाले आहे. हे क्षेत्र पश्चिम-वायव्य दिशेला सरकण्याची आणि त्याचे रूपांतर 'डिप्रेसन'मध्ये (कमी दाबाच्या तीव्र क्षेत्रात) होण्याची शक्यता आहे. त्यानंतर, उद्यापर्यंत ते अधिक तीव्र होऊन त्याचे रूपांतर चक्रीवादळात होईल.

सुमारे २ नोव्हेंबरच्या सुमारास, हे चक्रीवादळ आंध्र प्रदेशच्या किनारपट्टीजवळ, पश्चिम-मध्य बंगालच्या उपसागरात पोहोचेल. या चक्रीवादळामुळे हवामानात वेगाने बदल होऊन अनेक राज्यांत अतिवृष्टी होण्याची शक्यता आहे. हवामान विभागाच्या माहितीनुसार या प्रणालीमुळे २ नोव्हेंबर रोजी किनारपट्टीवरील आंध्र प्रदेश आणि यानम भागात अत्यंत मुसळधार पाऊस पडेल, तर ३ नोव्हेंबर रोजी तिथे खूप मुसळधार पाऊस होईल. यासह २ आणि ३ नोव्हेंबर रोजी रायलसीमा भागात, तसेच ३ आणि ४ नोव्हेंबर रोजी ओडिशामध्ये खूप मुसळधार पावसाचा अंदाज वर्तवण्यात आलाय.

हवामान विभागाच्या अंदाजानुसार, दक्षिण भारतात काही ठिकाणी पावसाची शक्यता आहे. तामिळनाडू, पुद्दुचेरी आणि कराईकलमध्ये ३१ ऑक्टोबर ते ६ नोव्हेंबर दरम्यान केरळ आणि माहेमध्ये ३१ ऑक्टोबर रोजी आणि ३ ते ४ नोव्हेंबर दरम्यान लक्षद्वीपमध्ये १ ते ६ नोव्हेंबरला किनारपट्टीवरील आंध्र प्रदेश, यानम, किनारपट्टीवरील कर्नाटक, रायलसीमा आणि तेलंगणामध्ये ३१ ऑक्टोबर ते १ नोव्हेंबर आणि पुन्हा ४ ते ६ नोव्हेंबर तसेच उत्तर अंतर्गत कर्नाटक आणि दक्षिण अंतर्गत कर्नाटक भागात ३१ ऑक्टोबर ते १ नोव्हेंबर आणि ५ ते ६ नोव्हेंबर दरम्यान पाऊस होईल अशी शक्यता वर्तवण्यात आलीय.

२ ते ४ नोव्हेंबर दरम्यान, किनारपट्टीवरील आंध्र प्रदेश, यानम आणि रायलसीमा भागांत काही ठिकाणी मेघगर्जनेसह विजांचा कडकडाट आणि जोरदार वारे वाहण्याची शक्यता आहे. तेलंगणामध्येही २ ते ३ नोव्हेंबर दरम्यान अशीच स्थिती राहण्याची शक्यता आहे. यासह १ ते ४ नोव्हेंबर दरम्यान केरळ, माहे, उत्तर अंतर्गत कर्नाटक आणि दक्षिण अंतर्गत कर्नाटक ३१ ऑक्टोबर ते १ नोव्हेंबरदरम्यान किनारपट्टीवरील आंध्र प्रदेश, यानम आणि रायलसीमा आणि तेलंगणामध्ये ३१ ऑक्टोबर ते १ नोव्हेंबर आणि ४ नोव्हेंबर रोजी जोरदार वारे वाहण्याची शक्यता आहे.