काँग्रेसला मोठा धक्का बसला असून राज्याच्या राजकारणात मोठी खळबळ उडाली आहे. मध्य प्रदेशमधील विजयपूर विधानसभेच्या जागेवर काँग्रेसला जबर झटका बसला आहे. ग्वाल्हेर उच्च न्यायालयाच्या खंडपीठाने काँग्रेस आमदार मुकेश मल्होत्रा यांची थेट आमदारकी रद्द केली आहे. न्यायालयाने केवळ मल्होत्रा यांची आमदारकी रद्द केली नाही तर याचिकाकर्त्या भाजप नेते राम निवास रावत यांनाही विजयपूरचे नवे आमदार घोषित करण्याचे आदेश दिले आहेत. जे पोटनिवडणुकीत दुसऱ्या क्रमांकावर होते.
भाजप नेते आणि माजी मंत्री राम निवास रावत यांनी उच्च न्यायालयात निवडणूक याचिका दाखल केली होती. ज्यामध्ये मुकेश मल्होत्रा यांनी पोटनिवडणुकीसाठीच्या उमेदवारी अर्जात त्यांच्या गुन्हेगारी रेकॉर्डची माहिती लपवल्याचा आरोप केला होता. रामनिवास रावत यांनी न्यायालयाला सांगितले की मल्होत्रा यांच्याविरुद्ध सहा गुन्हेगारी खटले दाखल आहेत, जे त्यांनी त्यांच्या प्रतिज्ञापत्रात नमूद केलेले नाहीत.
खटल्याची सुनावणी केल्यानंतर, न्यायमूर्ती जी.एस. अहलुवालिया यांच्या अध्यक्षतेखालील खंडपीठाने असा निर्णय दिला की प्रतिज्ञापत्रात माहिती लपवणे हे निवडणूक कायद्याचे उल्लंघन आहे. न्यायालयाने मुकेश मल्होत्रा यांची निवडणूक अवैध घोषित करत राम निवास रावत यांना आमदारकी देण्याचे आदेश दिले आहे.
राम निवास रावत यांनी २०२३ च्या विधानसभा निवडणुकीत काँग्रेसच्या तिकिटावर विजय मिळवला होता. २०२४ च्या लोकसभा निवडणुकीपूर्वी ते भाजपमध्ये प्रवेश केला आणि मोहन यादव सरकारमध्ये त्यांना थेट कॅबिनेट मंत्री म्हणून शपथ घेतली होती. त्यानंतर विजयपूरमध्ये पोटनिवडणूक झाली. मात्र राम निवास रावत यांनी पोटनिवडणुकीत पराभव पत्करला आणि मंत्रीपदाचा राजीनामा दिला.
त्यानंतर राम निवास रावत यांनी काँग्रेस आमदाराविरुद्ध उच्च न्यायालयात धाव घेतली आणि मुकेश मल्होत्राने त्यांच्या निवडणूक प्रतिज्ञापत्रात त्यांच्या गुन्हेगारी रेकॉर्डबद्दल चुकीची माहिती दिली होती, अशी तक्रार केली, हा खटला मध्य प्रदेश उच्च न्यायालयात सुनावणी सुरू होता. याबाबत उच्च न्यायालयाने आता आपला निकाल दिला आहे. भाजप सरकारमधील माजी राज्यमंत्री मुकेश मल्होत्रा हे या प्रदेशातील एक प्रमुख आदिवासी नेते मानले जातात. त्यांनी भाजप सरकारमध्ये राज्यमंत्री म्हणून काम केले. त्यांनी २०२३ च्या निवडणुकीत अपक्ष उमेदवार म्हणून निवडणूक लढवली होती आणि त्यांना सुमारे ४५,००० मते मिळाली. त्यानंतर, मे २०२४ मध्ये ते प्रियंका गांधी यांच्या उपस्थितीत काँग्रेसमध्ये प्रवेश केला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.