Jammu & Kashmir Weather: थंडीची लाट! श्रीनगरमध्ये तापमान -1°C, उत्तर भारतात वाढला थंडीचा कडाका

Jammu & Kashmir Weather: काश्मीरमध्ये रात्रीचे तापमान वाढते, श्रीनगरमध्ये -1°C नोंदवले गेले, पश्चिमी विक्षोभामुळे बर्फवृष्टी आणि पावसाची शक्यता आहे.
Jammu & Kashmir Weather
Jammu & Kashmir Weatheryandex
Published On

उत्तर भारतात आणि महाराष्ट्रात थंडीचा कडाका चांगलाच वाढला आहे. किमान आणि कमाल तापमानातही घट होत आहे. ढगाळ वातावरण आणि पश्चिमेकडून येणाऱ्या वाऱ्यांमुळे काश्मीर खोऱ्यात पारा उतरत चालला असून शुक्रवारी श्रीनगरमध्ये तापमान शून्याखाली एक अंश नोंदले गेले. वेस्टर्न डिस्टर्बन्सचा शुक्रवारपासून जम्मू आणि काश्मीरवर परिणाम होईल आणि त्यामुळे मैदानी भागात पाऊस आणि खोऱ्याच्या वरच्या भागात हलकी बर्फवृष्टी होऊ शकते.

हवामान खात्याच्या अधिकाऱ्यांनी सांगितले की, काश्मीर खोऱ्यात रात्रीचे तापमान वाढले आहे, परंतु बहुतांश ठिकाणी तापमान शून्याच्या खाली राहिले आहे. श्रीनगरमध्ये रात्रीचे तापमान -१ अंश सेल्सिअस नोंदवले गेले, जे मागील रात्रीच्या -२.१ अंश सेल्सिअसपेक्षा जास्त होते. काश्मीरच्या दक्षिणेकडील काझीगुंड येथे रात्रीचे तापमान -१.८ अंश सेल्सिअस नोंदवले गेले. त्याच वेळी, पहलगाममध्ये रात्रीचे तापमान -३.४ अंश सेल्सिअस होते, जे खोऱ्यातील सर्वात थंड ठिकाण होते. गुलमर्गमध्ये शून्य अंश सेल्सिअस आणि कुपवाडामध्ये -०.४ अंश सेल्सिअस तापमान होते.

Jammu & Kashmir Weather
Maharashtra Weather Upadte: पुण्याचा पारा ८.७ अंशांवर, राज्यातील 'या' भागांत थंडीच्या लाटेचा हवामान विभागाचा इशारा

दक्षिण काश्मीरमधील कोकरनागमध्ये रात्रीचे तापमान उणे ०.६ अंश सेल्सिअस होते, खोऱ्यातील हे एकमेव ठिकाण आहे जिथे तापमान शून्यापेक्षा जास्त होते. शुक्रवारी संध्याकाळपासून जम्मू-काश्मीरमध्ये वेस्टर्न डिस्टर्बन्सचा प्रभाव जाणवेल, असे हवामान खात्याने म्हटले आहे. त्यामुळे शुक्रवारी संध्याकाळ ते शनिवारी सकाळपर्यंत खोऱ्याच्या वरच्या भागात हलका पाऊस किंवा हिमवृष्टी होऊ शकते.

Jammu & Kashmir Weather
Maharashtra Weather Update: राज्याला भरली हुडहूडी! उत्तर महाराष्ट्र गारठला, कुठे किती तापमान?

१ डिसेंबर रोजी घाटीच्या वरच्या भागात हलका पाऊस/हिमवृष्टीसह हवामान अंशतः ढगाळ असेल. ०२ डिसेंबर ते ०३ डिसेंबर दरम्यान खोऱ्याच्या वरच्या भागात हलका पाऊस किंवा हिमवृष्टी होण्याची शक्यता आहे. ४ ते ७ डिसेंबर दरम्यान हवामान सामान्यतः कोरडे राहील, त्यानंतर ८ डिसेंबरपासून पुन्हा खोऱ्याच्या वरच्या भागात हलका पाऊस किंवा बर्फवृष्टी होऊ शकते, असे हवामान विभागाने म्हटले आहे.

Jammu & Kashmir Weather
Weather Forcast: कडाक्याची थंडी! दिल्ली,यूपी-बिहारमध्ये दाट धुके, तामिळनाडूमध्ये फेंगल वादळाचा इशारा

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com