भाजपवर कोसळला दु:खाचा डोंगर; ज्येष्ठ नेत्याचं निधन, राजकारणात शोककळा

भाजपचे जेष्ठ नेते बालगोविंद प्रसाद यादव यांचे मंगळवारी त्यांच्या पोखरवाडी येथील पैतृक निवासस्थानी निधन झाले. त्यांच्या निधनाची बातमी समजताच सामाजिक आणि राजकीय क्षेत्रात शोककळा पसरली. सोशल मीडियासह विविध माध्यामातून अनेकांनी त्यांना श्रद्धांजली वाहत कुटुंबियांचे सांत्वन केले. बुधवारी पोखरवाडी येथील सकरी नदीच्या मुक्तिधामात त्यांच्यावर अंत्यसंस्कार करण्यात आले. अंतिम यात्रेत भाजपचे जिल्हाध्यक्ष अनुप जोशी, RJD चे नेते सुभाष यादव, नरेंद्र पाल, नरेश यादव यांच्यासह विविध राजकीय पक्षांचे नेते, सामाजिक कार्यकर्ते आणि ग्रामस्थ मोठ्या संख्येने सहभागी झाले. उपस्थितांनी बालगोविंद प्रसाद यादव यांना श्रद्धांजली अर्पण केली.

केंद्रीय महिला आणि बालविकास मंत्री अन्नपूर्णा देवी यांनी सोशल मीडियाच्या माध्यमातून शोक व्यक्त केला. बालगोविंद प्रसाद यादव हे राष्ट्रीय स्वयंसेवक संघ आणि भाजपशी दीर्घकाळ जोडलेले होते. त्यांनी संघटना आणि समाजाची निष्ठेने सेवा केली, असे अन्नपूर्णा देवी यांनी म्हटले आहे. त्यांच्या निधनाला परिसरासाठी अपूरणीय क्षती मानले जात असून, सामाजिक आणि राजकीय क्षेत्रातील त्यांचे योगदान कायम स्मरणात राहील, अशा भावना व्यक्त होत आहेत.

दिवंगत बालगोविंद प्रसाद यादव यांनी 90च्या दशकात बिहारमधील धनवार विधानसभा मतदारसंघातून अपक्ष उमेदवार म्हणून निवडणूक लढवून राजकारणात आपली ओळख निर्माण केली होती. त्या निवडणुकीत त्यांना तत्कालीन काँग्रेस उमेदवार हरिहर नारायण प्रभाकर यांच्याकडून पराभव स्वीकारावा लागला. मात्र, जनतेमधील मजबूत जनसंपर्कामुळे ते दुसऱ्या क्रमांकावर राहिले होते. त्यानंतर 1992 मध्ये त्यांनी कोडरमा लोकसभा मतदारसंघातूनही निवडणूक लढवली होती.

बालगोविंद प्रसाद यादव यांच्या निधनावर कोडरमाच्या आमदार डॉ. नीरा यादव, झुमरी तिलैया नगर परिषद अध्यक्ष रमेश हर्षधर, उत्तम सिंह, रंजीत सिंह, नरेश यादव, दुर्गा राय, विनोद यादव, धनंजय यादव, अजीत यादव, हाकिम प्रसाद यादव, कृष्णा राम, विकास पासवान, सुबोध कुमार, अखिलेश कुमार, बंटी यादव, अरुण यादव, अशोक राम यांच्यासह अनेकांनी शोक व्यक्त करत त्यांना श्रद्धांजली वाहिली.