Bihar Bridge Collapsed: बिहारमध्ये पूल कोसळला, आठवडाभरातील दुसरी घटना; VIDEO होतोय व्हायरल

बिहारमध्ये पूल कोसळल्याची घटना समोर आली आहे. गेल्या काही दिवसांपासून बिहारमध्ये एकापाठोपाठ एक पूल पडल्याच्या घटना समोर येत आहेत. अररियानंतर बिहारमध्ये आणखी एक पूल कोसळला. सिवान जिल्ह्यातील महाराजगंज ब्लॉकमधील पाटेधा गावात पूल कोसळल्याची घटना समोर आली. दरोंदा विधानसभा सीमेला जोडणारा पूल अचानक कोसळला. हा पूल कोसळल्यामुळे १२ पेक्षा अधिकर गावांचा संपर्क तुटला आहे. या पूल कोसळण्याचा व्हिडीओ सध्या सोशल मीडियावर व्हायरल होत आहे.

मिळालेल्या माहितीनुसार, हा पूल महाराजगंज क्षेत्रच्या पटेढी-गरौलीला जोडण्यात आला होता. कालव्यावर ३० वर्षांपूर्वी हा बांधण्यात आला होता. स्थानिग नागरिकांनी देणगी देऊन हा पूल बांधला होता. कालव्याची साफसफाई केल्यानंतर हा पूल कोसळला. हा पूल कोसळण्याचे कारण मातीची धूप असल्याचे सांगितले जात आहे. याआधी बिहारच्या अररियामध्ये पूल कोसळल्याची घटना घडली होती. आठवडाभरता ही पूल कोसळल्याची दुसरी घटना घडली आहे.

जिल्हा दंडाधिकारी मुलुल कुमार गुप्ता यांनी सांगितले की, दारुंडा आणि महाराजगंज ब्लॉकमधील गावांना जोडणाऱ्या कालव्यावर हा पूल बांधण्यात आला होता. पहाटे पाचच्या सुमारास हा पूल कोसळला. या घटनेच कोणतीही जीवितहानी झाली नाही. हा पूल ३० वर्षे जुना होता. हा पूल कोसळल्यामुळे अनेक गावांचा संपर्क सुटला आहे.

दरम्यान, बिहारच्या अररियामध्ये नव्याने बांधलेला बाकरा पूल काही दिवसांपूर्वी कोसळला होता. त्यानंतर राज्य सरकारवर प्रश्न उपस्थित झाले होते. विरोधकांनी नितीश सरकारवर हल्लाबोल केला होता. अररिया पूल कोसळल्याप्रकरणी अनेक अभियंत्यांना निलंबित करण्यात आले होते. याशिवाय कंत्राटदाराला काळ्या यादीत टाकण्यात आले. राज्य सरकारने चौकशी समिती स्थापन करून सात दिवसांत अहवाल सादर करण्यास सांगितले आहे.