Bihar Floor Test: नितीश सरकार फ्लोअर टेस्टमध्ये पास, समर्थनार्थ मिळाली 129 मते; विरोधकांचा वॉकआऊट

Nitish Kumar Government: बिहारमधून एक मोठी बातमी समोर आली आहे. नितीश सरकारने सोमवारी बिहार विधानसभेत फ्लोअर टेस्ट पास केली आहे.
Bihar Floor Test
Bihar Floor TestSaam Tv

Bihar Floor Test:

बिहारमधून एक मोठी बातमी समोर आली आहे. नितीश सरकारने सोमवारी बिहार विधानसभेत फ्लोअर टेस्ट पास केली आहे. मतदानापूर्वीच विरोधकांनी सभात्याग केला होता. सत्ताधारी पक्षाच्या मागणीनुसार मतदान घेण्यात आले. याच्या समर्थनार्थ 129 मते पडली. विरोधात एकही मत पडले नाही.

मात्र फ्लोअर टेस्ट आधी आरजेडीला मोठा धक्का बसला आहे. विधानसभेचे कामकाज सुरू झाल्यानंतर सभापती अवध बिहारी चौधरी यांना पदावरून हटवण्यात आले. राज्यपालांच्या अभिभाषणानंतर विधानसभेचे कामकाज सुरू होताच जेडीयू आमदारांच्या वतीने सभापतींविरोधात अविश्वास प्रस्ताव आणण्यात आला.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

Bihar Floor Test
Tamil Nadu: आमदार नाही, तर चक्क राज्यपालांनी विधानसभेतून केला सभात्याग; संसदीय इतिहासातील पहिलीच घटना; पाहा VIDEO

बिहार विधानसभेचे अध्यक्ष आणि आरजेडी नेते अवध बिहारी चौधरी यांना हटवण्याचा प्रस्ताव विधानसभेत मांडण्यात आला. त्यानंतर बहुमताच्या जोरावर त्यांना पदावरून हटवण्यात आले. फ्लोअर टेस्टच्या आधी अवध बिहारी चौधरी यांच्याविरुद्ध राज्य विधानसभेत अविश्वास प्रस्ताव मंजूर करण्यात आला. 125 सदस्यांनी प्रस्तावाच्या बाजूने तर 112 सदस्यांनी विरोधात मतदान केले. (Latest Marathi News)

पद सोडण्यास दिला होता नकार

तेजस्वी यादव यांच्या पक्षाचे आरजेडी आमदार आणि सभापती अवध बिहारी चौधरी यांनी नितीश यांच्या पक्षांतरानंतरच विधानसभा अध्यक्षपद सोडण्यास नकार दिला होता. अशातच विधानसभेचे कामकाज चालविण्यापासून ते विश्वासदर्शक ठरावावर मतदान करण्यापर्यंत सभापतींची भूमिका महत्त्वाची असते.

Bihar Floor Test
Maharashtra Politics: अशोक चव्हाणांच्या राजीनाम्यानंतर काँग्रेसच्या गोटात अस्वस्थता; आमदारांना एकत्र करण्यासाठी प्रयत्न सुरू!

यातच बिहारमध्ये फ्लोअर टेस्ट आधीच आरजेडी नेते आणि नितीश यांच्या आघाडी सरकारमधील माजी मंत्री सुधाकर सिंह यांनी विधानसभेचे अध्यक्ष आमचेच असतील आणि नवीन सरकार विश्वासदर्शक ठराव जिंकू शकणार नाही, असा दावा केला आहे. याच कारणामुळे नितीश कुमार यांचा पक्ष जेडीयूने सर्वात आधी स्पीकर हटवण्याचा आग्रह धरला होता आणि नंतर फ्लोअर टेस्ट घेण्यात आली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com