Crime: शेजाऱ्याकडून १४ वर्षीय मुलीवर बलात्कार; फूस लावून शेताकडे नेलं, तोंड अन् हात-पाय बांधून भयंकर कृत्य

Summary -

• बिहारमध्ये अल्पवयीन मुलीवर बलात्कार

• शेजारी राहणाऱ्या तरुणाचं भयंकर कृत्य

• १४ वर्षीय मुलीला शेतात नेऊन केला बलात्कार

• पोलिसांनी काही तासांच आरोपीला केली अटक

बिहारमध्ये अल्पवयीन मुलीवर बलात्कार करण्यात आल्याची धक्कादायक घटना घडली. पश्चिम चंपारण जिल्ह्यातील एका गावात मुलीवर बलात्कार करण्यात आला. या प्रकरणी पोलिसांनी आरोपी संदीप कुमारला अटक केली. आरोपीने सोमवारी संध्याकाळी ७ वाजता शेजारी राहणाऱ्या १४ वर्षांच्या अल्पवयीन मुलीला फूस लावून मक्याच्या शेतात नेलं. त्याठिकाणी त्याने मुलीचे तोंड, हात अन पाय बांधून तिच्यावर बलात्कार केला. या घटनेने बिहार हादरले.

आरोपी पीडितेवर बलात्कार करत असताना त्याचे दोन मित्र पाळत ठेवून होते. पीडित मुलीच्या कुटुंबीयांनी रात्रभर मुलीचा शोध घेतला पण ती कुठेच सापडली नाही. मंगळवारी सकाळी तिचा शोध घेणाऱ्या गावकऱ्यांना ती मक्याच्या शेतात सापडली. मुलीने गावकऱ्यांना तिच्यासोबत झालेला प्रकार सांगितले. त्यानंतर तिच्या कुटुंबीयांना घटनेची माहिती दिली. अल्पवयीन मुलीच्या आईने दिलेल्या तक्रारीच्या आधारे पोलिसांनी आरोपीविरोधात गुन्हा दाखल केला.

पोलिसांनी मुख्य आरोपी संदीप कुमारला मंगळवारी सकाळी अटक केली. एफआयआरमध्ये आणखी दोन आरोपींची नावं आहेत. ते दोघे मुख्य आरोपीचे मित्र आहेत. पोलिस त्यांचा शोध घेत आहेत. पीडित मुलीला वैद्यकीय तपासणीसाठी रुग्णालयात पाठवण्यात आले आहे. या घटनेमुळे गावात संतापाची लाट आहेत. पोलिसांनी आरोपीविरोधात कठोर कारवाई करावी अशी मागणी पीडित मुलीच्या कुटुंबीयांनी आणि गावकऱ्यांनी केली आहे.

बिहारच्या सहर्षा जिल्ह्यातील काशनगर पोलिस ठाण्याच्या हद्दीतील एका गावात अशीच धक्कादायक घटना घडली. या ठिकाणी एका ७ वर्षांच्या मुलीवर बलात्कार करण्यात आला होता. पोलिसांच्या सतर्कतेमुळे आरोपीला पळून जाण्यापासून रोखण्यात आले आणि त्याला रात्री उशिरा अटक करण्यात आली. गेल्या रविवारी घडलेल्या या घटनेमुळे संपूर्ण परिसरात संतापाची लाट उसळली आहे. ललित सदा असे नाव असलेला आरोपी दोन मुलांचा बाप आहे. गुन्हा केल्यानंतर अटक टाळण्यासाठी तो मक्याच्या शेतात लपून बसला होता.