बेंगळुरूमध्ये मुसळधार पावसामुळे मोठी दुर्घटना
रुग्णालयाजवळील भिंत कोसळून ७ जणांचा मृत्यू
अनेक जण जखमी, काही जण अडकल्याची भीती
बेंगळुरूमध्ये पावसाने हाहाकार माजवला आहे. कर्नाटकच्या राजधानीला पावसाने झोडपून काढलंय. या पावसामुळे बेंगळूरुमध्ये एक मोठी दुर्घटना घडली. शिवाजीनगरमधील बोरिंग आणि लेडी कर्झन रुग्णालयांजवळील संरक्षक भिंत अचानक कोसळून रस्त्यावरील दुकानदार आणि वाटसरूंसह ७ जणांचा मृत्यू झाला आहे. अजूनही बरेच लोक ढिगाऱ्याखाली गाडले गेले असण्याची भीती आहे, ज्यामुळे मृतांचा आकडा वाढण्याची शक्यता आहे.
मिळालेल्या माहितीनुसार,सायंकाळी ५ वाजण्याच्या सुमारास सुरू झालेला पाऊस सुमारे एक तासभर सुरू होता. यासोबतच सोसाट्याचा वारा, मेघगर्जना आणि गारपीटही होत होती. हवामानातील या अचानक बदलापासून वाचण्यासाठी, रस्त्याच्या कडेला असलेल्या लोकांनी आणि मुलांनी रुग्णालयाच्या परिसराजवळ आश्रय घेतला. दरम्यान, कंपाऊंडच्या भिंतीचा काही भाग कोसळला, ज्यामुळे तेथे उपस्थित असलेले लोक अडकले.
या अपघातात तीन जण गंभीर जखमी झाले असून त्यांच्यावर रुग्णालयाच्या आपत्कालीन विभागात उपचार सुरू आहेत. मृतांचे मृतदेह शवविच्छेदनासाठी पाठवण्यात येत आहेत. या घटनेमुळे गोंधळ आणि दुःखाचे वातावरण निर्माण झाले असून, कुटुंबीयांना सांत्वन देणे अशक्य झाले आहे.
घटनेची माहिती मिळताच, मुख्यमंत्री सिद्धरामय्या यांनी घटनास्थळी येऊन परिस्थितीचा आढावा घेतला. त्यांनी अधिकाऱ्यांकडून अपघाताची चौकशी केली. भिंत कोसळण्याबद्दल नाराजी व्यक्त करत जबाबदार असलेल्यांना फटकारले. मुख्यमंत्री सिद्धरामय्या यांनी मृतांच्या कुटुंबीयांना ५ लाख रुपयांची नुकसान भरपाई जाहीर केली आहे. उपमुख्यमंत्री डी. के. शिवकुमार यांनीही घटनास्थळी भेट देऊन मदत आणि बचाव कार्याचा आढावा घेतला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.