Bajrang Dal Vandalism Mall: बजरंग दलाच्या कार्यकर्त्यांचा राडा; धर्म विचारून रायपुरच्या मॅग्नेटो मॉलमध्ये तोडफोड

छत्तीसगडच्या कांकेर जिल्ह्यात झालेल्या हिंसाचार आणि बेकायदेशीर धर्मांतराच्या निषेधार्थ राज्यव्यापी बंद पाळण्यात आला. रायपूर, कांकेर, दुर्ग आणि बिलासपूरसह संपूर्ण राज्यात बाजारपेठा आणि दुकाने बंद होत्या. त्याचवेळी रायमपूरमधील मॅग्नेटो मॉलमध्ये बजरंग दलाने तुफान तोडफोड केली. येथे क्रिसमस साजरा करण्यासाठी तयारी करण्यात आली होती. पूर्ण मॉल सजवण्यात आला होता. त्यावेळी बजरंग दलाच्या कार्यकर्त्यांनी तोडफोड करत सजावटीची नासधूस केली.

या घटनेनंतर तेलीबांधा पोलीस कर्मचारी घटनास्थळी पोहोचले. रायपूर बंदला पाठिंबा द्या, दुकान बंद ठेवा असं म्हणत काही लोकांनी तोडफोड केल्याची माहिती तेलीबांधा पोलिस ठाण्याचे प्रभारी अविनाश सिंह यांनी दिली. मॉल व्यवस्थापनाच्या म्हणण्यानुसार, तोडफोडीमुळे अंदाजे ५ लाख रुपयांचे नुकसान झालंय. घटनेची माहिती मिळताच पोलीस घटनास्थळी पोहोचले आणि परिस्थिती नियंत्रणात आणली. दरम्यान या प्रकरणाची चौकशी केली जात आहे. किती रुपयांचे नुकसान झालंय याची माहिती घेतली जात आहे.

दरम्यान मॉलच्या व्यवस्थापकांनी पोलीस स्टेशनमध्ये कोणत्याच प्रकारची तक्रार केली नाहीये. तक्रार नोंदवल्यानंतर संपूर्ण प्रकरणाची चौकशी केली जाणार, असल्याची माहिती पोलीस अधिकाऱ्याने दिलीय. दरम्यान दुसऱ्या दिवशी सर्व आदिवासी समाजाच्या कार्यकर्त्यांनी आंतरराज्य बस स्थानकावरील बस वाहतूक रोखली.

पेट्रोल पंप बंद असल्याने अमानका परिसरातील परिस्थितीही तणावपूर्ण बनलीय. कांकेर जिल्ह्यातील आमाबेडा येथे झालेल्या हिंसाचार आणि धार्मिक धर्मांतराच्या निषेधार्थ बुधवारी अनेक सामाजिक संघटनांनी छत्तीसगड बंदचे आवाहन करण्यात आले आहे. राज्यभरात बंदचे परिणाम दिसल. रायपूर, दुर्ग,स आणि जगदलपूरमधील शाळा, दुकाने, अनेक व्यापारी संस्थादेखील बंद होत्या.