Jammu Kashmir Earthquake : जम्मू-काश्मीरच्या बारामुल्लामध्ये भूकंपाचे धक्के; भल्यापहाटे जमीन हादरली, पाहा VIDEO

जम्मू-काश्मीरमध्ये आज मंगळवारी पहाटेच्या सुमारास भूकंपाचे सलग दोन धक्के जाणवले. अचानक जमीन हादरल्याने गाढ झोपेत असलेले लोक घाबरून घराबाहेर पडले. रिश्टर स्केलवर पहिल्या भूकंपाची तीव्रता 4.9 तर दुसऱ्या भूकंपाची तीव्रता 4.6 इतकी होती. भूकंपामुळे कोणतीही जीवित किंवा मालमत्तेची हानी झालेली नाही, असं नॅशनल सेंटर फॉर सिस्मॉलॉजीकडून सांगण्यात आलं आहे.

मागील काही महिन्यांपासून जम्मू-काश्मीरला सातत्याने भूकंपाचे धक्के बसत आहेत. त्यामुळे येथील नागरिकांमध्ये भीतीचं वातावरण पसरलंय. मंगळवारी पहाटे सहा वाजेच्या सुमारास जम्मू-काश्मीरमधील बालमुला, पुंछ आणि श्रीनगरसह काश्मीर खोऱ्यात भूकंपाचे धक्के जाणवले.

अचानक जमीन हादरल्याने गाढ झोपेत असलेले लोक खडबडून जागे झाले. यावेळी काहींच्या घरातील भांड्यांची पडझड देखील झाली. सुदैवाने या अपघातात कुठलीही जीवित आणि वित्तहानी झाली नसल्याचं वृत्त आहे. दुसरीकडे पाकिस्तानातही भूकंपाचे जोरदार धक्के जाणवले आहेत.

पाकिस्तानकडून अद्याप कोणतीही जीवित किंवा वित्तहानी झाल्याचे वृत्त नाही. जम्मू-काश्मीरला बसलेल्या भूकंपाच्या धक्क्यांचे काही व्हिडीओ देखील समोर आले आहेत. ज्यामध्ये भूकंपामुळे पंखा वेगाने थरथरत असल्याचे दिसून येत आहे. जम्मू-काश्मीरमध्ये महिनाभरातील हा दुसरा भूकंप आहे. यापूर्वी १२ जुलै रोजी बारामुल्लामध्ये ४.१ तीव्रतेचा भूकंप जाणवला होता.

भूकंपाचे धक्के इतके जोरदार होते की घरांचे पंखे थरथरू लागले. लोकांनी आपल्या कपाटात ठेवलेल्या वस्तूही हलताना दिसल्या. जम्मू-काश्मीरमधील पुंछ येथून एक व्हिडिओ समोर आला आहे, ज्यामध्ये भूकंपामुळे पंखा वेगाने थरथरत असल्याचे दिसून येत आहे. जम्मू-काश्मीरमध्ये महिनाभरातील हा दुसरा भूकंप आहे. यापूर्वी १२ जुलै रोजी बारामुल्लामध्ये ४.१ तीव्रतेचा भूकंप जाणवला होता.